Од петок нов влажен бран
Вести - Македонија
Четврток, 12 Јануари 2017 07:41

Времето денеска ќе биде сончево, во западните делови со мала до умерена облачност. Ќе дува слаб ветер од северозападен, а во западните делови умерен ветер од западен правец. Температурата до -3 степени.

Нов влажен бран ќе има од петок кон крајот на денот и во сабота, кога на повисоките места и на планините ќе има врнежи од снег, а на пониските места врнежи од дожд и снег. Пообилни врнежите ќе бидат во западните делови каде ќе дојде до зголемување на снежната покривка. Од понеделник ќе преовладува променливо облачно време со повремени врнежи од снег со променлив интензитет.