Submit to FacebookSubmit to Google PlusSubmit to TwitterSubmit to LinkedIn

На објавениот конкурс на Интернационалниот стрип фестивал „САЛОН НА СТРИПОТ“ во Белград, ученичката Калина Печевска од Скопје ја освои наградата „МЛАД ЛАВ “ за најдобар учесник во категорија до 15 години а Марија Стојановска,студент од Скопје е добитник на специјална награда од издавачот „СИРИУС ПРОДУКЦИЈА“ од Србија. И неколкумина македонски автори, пред се од помладата генерација, влегоа во изборот на 100 стрипа кои ќе бидат изложени на фестивалот .

Тоа е значаен успех за македонскиот стрип.

- Стрип центарот на Македонија од порано практикува организиран настап на вакви меѓународни конкурси и фестивали,што како пракса почнавме да ја интензивираме и прошируваме.Конкретно, испраќаме стрип дела на лица со кои соработува Стрип центарот на Македонија. Станува збор за млади стрип автори. Но , морам да го истакнам реалниот факт дека македонската стрип сцена недоволно е застапена на вакви настани во странство. Во моментов освен на фестивалите во Лесковац и Призрен,што се ревијална смотра, поискусните стрип автори не се решаваат да ги одмерат силите на бројните други конкурси.Да бидам до крај конкретен. И учеството на конкурсот на салонот во Белград драстично е намалено од нивна страна. Како и да е , ние како македонски стрип центар продолжуваме со активности за афирмирање и јакнење на стрип културата дома, рече проектниот координатор Томе Трајков.

Интернационалниот стрип фестивал „Салон на стрипот“ во Белград, што започна вчера, на 28 Септември и ќе трае до 1 Октомври, го организира Студентскиот културен центар на Белград. Од Стрип Центарот на Македонија најавија дека по учеството на оваа реномирана културна манифестација во соседна Србија дека во сабота, на 30 Септември, ќе земат учество и на стрип изложба со наслов „Во Македонија има стрип автори“ во Крива Паланка, организирана од Градскиот музеј./У.Ј

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново