Submit to FacebookSubmit to Google PlusSubmit to TwitterSubmit to LinkedIn

Имајки го во предвид објавениот текст на веб порталот Дума.мк со наслов „ Крстевски: „ФАД Стоби 2018 ќе се одржи и ич не ме интересира што министерството не дава пари оти сум убеден дека велешани на 22 јули пешки ќе дојдат во Стоби и ќе им прикажеме премиера“ сакам да дадам дообјаснување.

Мојата убеденост дека верната велешка публика, која знае што значи да се присуствува на премиера под отворено небо, како составен дел на ФАД Стоби и во амфитеатарот на античкиот локалитет повеќе се однесуваше на евентуалното откажување на Општината од финансиската помош што ја добиваше за организација на овој реномиран Фестивал. Не станува збор за не финансирање од страна на Министерството за култура на Република Македонија, туку станува збор за определба на театарот дека во последните неколку години театарот престана со изведби на своите антички претстави во Стоби со што е прекината неговата традиција. Во името на сето ова, театарот од Велес во својата нова Програма за 2018 година предлага изработување на претстава во античкиот локалитет Стоби со што ќе ја продолжи прекината традиција и ќе ја надгради со тоа што (се надеваме дека Министерството за култура ќе го подржи проектот) по одржаната Премиера, велешкиот театар ќе го започне својот ,,Караван на антички претстави,, кои претстави ќе бидат изведени на сите антички локалитети во Република Македонија.

Со почит,

Младен Крстевски

 

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново