Submit to FacebookSubmit to Google PlusSubmit to TwitterSubmit to LinkedIn


Panorama Veles fin

20.04.2020
Отсекогаш се слушала музика по сокаците, на веселбите, во кафеаните и рестораните со што Велес секогаш живеел за музиката. До Уриетот, во Велес, постоела турска воена музика, поточно оркестар кој бил дел од турскиот гарнизон и одржувал концерти во касарната или во „Ада Кафези“. На музичкиот репертоар на оркестарот биле турски маршеви, турски песни и други познати мелодии.

Во градот во 1906 година се почувствувала потреба од формирање на модерен градски оркестар, со учество на ученици, трговска младина и учители. Во оркестарот застапени биле виолини, гитари, флејти, мандолини и други инструменти. Оркестарот бил формиран со големо залагање на учителот по музика Ристо Елезов, надарен виолинист, како и група негови ученици. Оркестарот го добил името ,,Славеј“. На чело на хорот бил учителот Димче Панчев. Хорот имал педесетина учесници, а се истакнувал Крум Чушков, студент, посебно музички надарен.

Желбата на велешани да имаат модерна градска музика и хор се остварила и ,,Славеј“ станал цивилизациска придобивка на модерното културно живеење.

Три години подоцна во Велес е формирано ,,Првото интернационално друштво“ под име ,, Велешки Јунак“. Ова друштво учествувало на Сесловенски собир и по тој успех во Велес започнала акција за собирање пари за купување на инструменти, како предуслов за формирање на ,,Градска Музика“.
Тогаш од Лајпциг пристигнале 24 музички инструменти, претежно плех-дувачки. Во ,,Клуб на музиката“ била преадаптирана куќата на Давчо Богданов, кој доброволно својот дом им го отстапил на велешани. Куќата се наоѓала во центарот на Велес во која се сместила музичката група и веднаш започнала со работа.

Orkestarot na Caushot fin

Градски дувачки оркестар фотографиран во 1908 година

Потоа следел период на постигнат успех секаде каде се појавила и музицирала ,,Градска Музика“. Првата популаризирана композиција бил ,,Наш марш“, своевиден велешки музички симбол и химна на градот. Оркестарот го предводел ,,капел-мајсторот“ Кочо Апостолов – Чаушот, кој свирел на флејта. ,,Велешкиот Јунак“ имал бело - црвени фискултурни униформи, кои делувале мошне убаво и професионално. Секој концерт бил своевиден музичко -сценски настан, празник, кој секогаш бил посетен од велешани во голем број.

Оркестарот имал две флејти, едно пиколо, два кларинета ,,в“, два кларинета ,,с“, два пистона, два алто,,с“, два баса, барабан и пар чинели со тапан.
Кочо Матов Апостолов, со прекар Чаушот, потекнува од семејство на талентирани музичари. Неговиот брат Круме Матов бил надарен виртуоз на виолина, за што бил повеќе пати наградуван. Тој компонирал и диригирал уште како ученик во гимназија, а свирел и на повеќе инструменти. Брат му Кочо Апостолов неуморно работел со оркестарот, подучувал музичари, компонирал и пишувал партитури.

Во оркестарот членувале: Димче Кирков, брат на гемиџијата Константин Кирков, Ангел Органџиев, виртуоз на мандолина, Лазар Чичевалиев, Ѓорѓи Минов, Панче Хаџи Панзов, Киро Велев, Кочо Бондиќ, Јануш Васков, Петре Василев, Димко Урумов, Кочо Крајничанец, Тодор Поп Кочов, Јосиф Пешев, Ѓорѓи Иванов, Киро Јосифов, Јовче Попстефанов, Никола Попов, Јонче Минов, Тодор Боцев и други.

Сите овие млади луѓе биле надарени музичари, слободоумни и совесни. На репертоарот на оркестарот освен ,,Наш марш“ се наоѓале и ,,Македонски танци“, Химната на младотурците, ,,Дружна есен“ од Г.Кирков, ,,Маршот на работниците“, потоа ,,Китка од македонски ора и песни“, како и валцери, полки, одломки од опери и оперети.

Овој оркестар постоел до 1913 година кога полицијата упаднала на горниот кат на дуќанот на бакалинот Попандов, каде се одржувале пробите, и забранила секакво собирање и активност.

Orkestarot na Caushot fin

Оркестарот  ,,Велешкиот Јунак“ предводен од „капел-мајсторот“ Кочо Апостолов – Чаушот фотографиран во 1910 година

Значајно сметам дека е и треба да напишам дека од 1913 до 1915 година во велешката гимназија работел Мандолински оркестар со кој раководел учителот по литература Коста Дошин.

Во наредните три години, од 1915 до 1918 година, во училиштето ,,Св.Кирил и Методиј“ учителките Ефка Бојаџиева, Матова и Михова музицирале во салата на училиштето исполнувајќи ги ,,Хофмановите приказни“ и други класични дела.

Во последната година од етузијастичкото музицирање на учителките била обновена градската музика и приклучена кон ,,Соколското друштво“, а негов раководител и диригент станал Кочо Апостолов Матов - Чаушот. По него доаѓаат помладите Пецо Чичовалиев, Јосиф Гајдов, Киро Ванов, Тодорче Васков –Дервишот, виртуоз на барабан, се до 1928 година кога со Обзнаната биле забранети секакви музички и други културни и спортски активности во Велес.

Тоа е период во кој формирано е Работничкото културно-просветно друштво ,,Абрашевиќ“, во кое членувале напредни младинци, авангардата на работничката класа и комунистичката партија. Во склоп на ова друштво било формирано и музичкото друштво ,,Напредак“, кое било раководено од Петре Јарчев, познат синдикален функционер и член на КП.

Тие, покрај ,,Интернационалата“и руските револуционерни песни, исто така ги исполнувале делата ,,Ткајачите“ од Хајне како и песните од Максим Горки. Но и ова друштво не ја преживеало „Обзнаната“ во 1928 година.

Вреди да биде забележано дека во 1925 година бо градот бил формиран Камерен оркестар под диригенство на Илија Настов, што изведувал дела на Шуман, Брамс, Шуберт и други класици, како и по некоја револуционерна композиција иако биле актуелни забраните од полицијата.

Во тоа време е формирано и третото музичко друштво ,,Гром“ на иницијатива на Стефан Гајдов, Живко Фирфов, Ѓорѓи Минов, Ганчо Пајтонџиев, Лазо Лукар и Петре Ќупов. Дел од нив биле гимназијалци, додека останатите работници или трговски помошници. Покрај настапите , членовите држеле и курсеви за елементарна музичка теорија како и семинари.

Под притисок на режимот на тогашна СХС, што како изговор го користел обележувањето на граѓаните како „јадро на комунистички и субверзивни елементи кои работат против државата“ во 1929 година сите музички и спортски друштва во градот престанале да постојат.

Parada fin

Парада на школска музика во 1919 година

Но, успесите на овие оркестри и нивните настапи како и музицирање останале во сеќавање на постарите велешани, а се` до денес поединци се дел од колективната свест и меморија на граѓаните.

Денес, во Велес, музицираат два хора и оркестар за класична камерна музика , составен од ученици, наставници и професори по музика, што секако е за поздравување. Се надевам дека во скоро време ќе имаме можност да го слушаме нивното музицирање, а дотогаш – слушајте дома музика!
Сега, кога сме дома, слушањето музика која ви се допаѓа е една од доблестите и добрите работи кои може да Ви се случат и можеби ќе откриете некој нов, музички талент во Вас. Бидете позитивни!

Вашиот,
Љупчо Данов

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново