Submit to FacebookSubmit to Google PlusSubmit to TwitterSubmit to LinkedIn

Untitled design

05.04.2021

Локална библиотека „Гоце Делчев“ од Велес одбележувајќи го 2 април – Светскиот ден на литература за деца организираше онлајн поетско читање, изложба на книги за деца и едукативни работилници.

Во соработка со Клубот на писатели „Коста Солев Рацин“ се реализираше онлајн поетското читање на кое поезија читаа поетесите Лили Арсова, Јасмина Ѓорѓиева, Наташа Брезовка Богоевска, Ели Маказлиева и Соња Гаврилова.

167927523 2897722460555305 3375764300844340647 n

Ученици од 4 и 5 одделение од Основното Општинско училиште „Васил Главинов“, беа дел од капмањата „Прочитај приказна“ со цел едукација и запознавање со книги за деца.

Поетесите ги мотивираа децата да читаат со љубов, со цел да го збогатат својот речник и начинот на изразување додека присуството на изложбата го зголеми интересот за читање на книги што не се дел од задолжителната лектира.

167816651 464504154792746 1956485271132584391 n

-Во услови на пандемија, добро ни дојде дружењето со книгата,бидејќи книгата за деца е најдобриот пријател и подарок за секое дете.Таа може да биде сликовница со илустрации, со приказни, со бајки или пак со песни.Таа на секое дете му носи знаење и многу љубов, рече Гордана Васковска в.д директор на Локална библиотека „Гоце Делчев“ во Велес.

На овој начин градската библиотека во Велес ги поттикна децата да читаат со љубов, да го збогатат својот речник и да го подобрат начинот на однесување.

167992463 287735692891599 4601237559561969509 n

Инаку, Меѓународниот ден на литература за деца се слави од 1967 година, во чест на роденденот на данскиот писател Ханс Крисијан Андерсен, автор на голем број бајки за деца , како што се „Палешка„, „Грдото пајче“,„Принцезата на зрно грашок“ и други.

Стефани Манева 

 

 

SEMM baner MK

Поврзани вести

web baner kozuvcanka 300x250 Duma

 
   
   
   
   

Најново