Во соработка со волонтерите на Мировниот корпус стационирани во Велес, Локалната библиотека „Гоце Делчев“ го продолжува проектот за изведување на бесплатни конверзациски часови за граѓаните на Велес. Овој циклус на конверзациски часови ќе ги води волонтерот Garret Poste, а заинтересираните граѓани можат да се пријават за присуство, во просториите на Локалната библиотека.

Годинава македонската стрип сцена ќе биде почестена со присуство на гости од Финска, Словенија, Србија , Хрватска ,Грција и со учество на домашни автори. Стрип центар на Македонија, со седиште во Велес од лани воведе нов начин на организирање на колонијата. Активностите се поделени на три содржини: Интернационален конкурс за стрип, интернационална стрип колонија и изложба на стрип во град што дополнително ќе се избере.

На меѓународната конференција „Петар Канавелич и Корчула“ која кон крајот на мај, годинава, се одржа на островот Корчула, Република Хрватска, учествуваше и македонскиот автор Игор Крајчев, со научно-книжевно излагање на тема „Петар Канавелич и Јордан Хаџи Константинов Џинот“. Покрај излагањето, Крајчев ја имаше и првата промоција на својата нова поетска книга „21“, на македонски и англиски јазик.

Стрип центарот на Македонија со седиште во Велес го продолжува континуитетот на стрип изданија на македонски јазик. Издадени се стрип книгите „ ХАВАНА САД“ од Гани Јакупи од Косово , „РЕКВИЈЕМ“ од авторите Марко Стојановиќ, Марко Николиќ и Дејан Ненадов од Србија како и „1990-1999 ВИЗУЕЛНА ХРОНИКА НА МАКЕДОНСКИОТ СТРИП“ од Александар Стеванов , од Штип.

По шест денови учество во планинарски марш од Велес до Лопушник, посветен на великанот Коста Солев Рацин, тринаесетте македонски планинари заедно со шестмината учесници задолжени за логистичка поддршка, како и учесниците во одредени рути, во четвртокот, на 13 јуни ,пристигнаа на местото на трагичното загинување на Рацин. Тие испешачија рута долга 170 километри поминувајќи низ населени места во општините Велес, Чашка, Долнени, Македонски Брод, Пласница и Кичево, за да го промовираат делото и значењето на Рацин низ овој дел на државата.

Ремек делото на современата македонска книжевност и уште еден скапоцен камен во твореештвото на авторот, како што го опиша претседателот на жири комисијата за доделување на Рациновото признание за 2019 година Мишел Павловски романот на Проф. др Венко Андоновски „Припитомување на кучката – раскази за лудилото“ ,во издание на „ТРИ“, по втор пат му ја донесе престижната награда на авторот. Таа на Проф. др Венко Андоновски му беше врачена на свеченото затворање на 56 Рацинови средби. Андоновски по втор пат се запиша во рациновата ризница по точно 25 години кога Рациновото признание го доби за прозното дело ,,Фрески и гротески“.