Submit to FacebookSubmit to Google PlusSubmit to TwitterSubmit to LinkedIn

Македонскиот документарен филм „Со љубов“, промовиран на најпрестижниот фестивал за документарен филм во светот „Хот докс“ во Торонто во Канада, сега ќе се натпреварува за награда на претстојниот 23. „Саревски филмски фестивал“.

Документарецот е всушност приказна за Дионис Пашлаков ,пензиониран професор по биологија од Неготино и во исто време пасиониран љубител на олдтајмери.

Во филмот приказната му е посветена на Неготинецот кој има преку сто стари и дотраени автомобили што не се во функција како и неговата огромна љубов кон нив. За да ја поднови колекцијата тој финансиите ги обезбедува заедно со сопругата Гоца познат слаткар во градот на виното. Со интересни брачни расправии поддржани од саундтрак на „Фолтин“, се гради љубовна приказна на стартувањето на моторите од старите автомобили.

На плацот на старите автомобили Пашлаков всушност им го продолжува векот тогаш кога сите од нив кренале раце.

Филмот ја имаше својата премиера на 2 мај годинава.

Инаку, четиринаесет филма се вклучени во официјалната програма на 23. „Сараевски филмски фестивал“ во категоријата документарци. Македонскиот „Со љубов“ е во режија на Илија Цветковски а продуцент е Атанас Георгиев./Б.Н.Т

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново