Submit to FacebookSubmit to Google PlusSubmit to TwitterSubmit to LinkedIn

Колектив Ветерница со танцовата претстава „Ова не е сон“ во рамките на Новиот културен бран ќе се прикаже во сабота на 2 декември во театарот Јордан Хаџи Константинов - Џинот во Велес.  Перформансот е резултат на работата во рамките на редовните часови по танцов театар со деца од 6 до 12 години.

„Ова не е сон“ е танцова приказна за виртуелниот свет во кој блиску се испреплетуваат возможното и невозможното, реалноста и илузијата, сонот и јавето, вистината и лагата, свесното и несвесното, чекањето и очекувањата, јас и ние, тие и вие и сите ние.

- Дојдете да се погледнеме со други очи, низ искреноста на децата и да се насмееме на нашата човечка несмасност. Низ процесот на работа храбро ги истражувавме границите на нашето заедничко создавање почитувајќи ја индивидуалноста како основата на здружувањето, но исто така и нашите капацитети и волја за негување на танцовиот театар, велат од Колектив Ветерница.

Изведбата е закажана со почеток во 18:00 часот.

Инаку, Колективот Ветерница активно работи во областа на театарот за деца и млади веќе 5 години притоа негувајќи ги принципите на самоодржливост, самоорганизација и хоризонтална структура и поставувајќи ја уметноста како есенцијална за правилен раст и развој на децата, но и на целото општество воопшто. /У.Ј

 

 

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново