Submit to FacebookSubmit to Google PlusSubmit to TwitterSubmit to LinkedIn

AleksandarPanov1

19.01.2021

Велес отсекогаш бил извор на таленти, независно за која уметност станува збор сликарство, музика, театар итн. Велешани посебно ги ценеле музичките таленти, кои го задолжиле Велес со својата дарба и музичките способности и квалитети.

Ако се навратиме во времето на Тончовата чалгија која го поставила Велес на картата на градови со најдобра чалгија, во времето на Отоманската империја, па се до композиторите и музичките дејци како Живко Фирфов, Стефан Гајдов, Иван Николов Танго, Кочо Чаушот, Ало Тончов, ќе видиме континуитет на музички дејци, кои го задолжиле Велес. Од помладите музички таленти, кои за жал се наоѓаат во странство, се истакнуваат пијанистот Петре Штерјов и виртуозот на кларинет Благој Ламјов.

Но, Велес постојано раѓа млади, нови музички таленти и идни виртуози. Еден од нив е Александар Пановски.

Иако има само 14 години и е ученик во IX одделение во ООУ,, Блаже Конески“, ова момче со нескриен талент, станува препознатлив инструменталист на хармоника.

AleksandarPanov3

Пановски започнува да го развива својот талент во школата на Панче Тевчев, за да биде препознаен како вонсериски талент и преминува кај Војче Петрушев, младиот велешанец кој е дел од оркестарот на Милан Зафков и Националниот ансамбл ,,Танец“ во Скопје. Петрушев има и сопствена школа за хармоника од која излегуваат многу квалитетни инструменталисти. Затоа, Александар брзо напредува и се стекнува со потребната рутина и самодоверба.

-За време на карантинот, кога сите мои врсници играа игри или гледаа телевизија, јас свирев по 6 до 8 часа дневно хармоника. Тоа ми помогна да напредувам и со помош на мојот ментор Петрушев да достигнам повисок степен на музичка зрелост. Благодарение нему јас го иссонував ,,Александровиот сон“, оро кое Петрушев го напиша и аранжира за мене. Во струдиото ,,ХЛ Момировски“ на Дејан Момировски е снимен „Александровиот сон“ од страна на дуетот Војче Петрушев и Александар Пановски. Снимен е и спот на три локации, а посебно му се заблагодарувам на мојот директор Јованче Манасков од ООУ,, Блаже Конески“ за тоа што дозволи и помогна дел од спотот да се сними и во моето матично училиште. Снимател на спотот беше Алек Тасевски“, рече Пановски.

AleksandarPanoviPetrushev2

Александар со менторот Војче Петрушев

Ентузијазамот, жарот и знаењето на ова младо момче од Велес оставаат голем впечаток. Зад него застанаа познати и признати имиња од музичката фела.Особено е задоволен веленајсторот на хармоника Милан Зафков кој за него само кратко рече:

„Вонсериски талент, само да продолжи со работа“.

Александар Пановски потекнува од семејство на играорци. И тој веќе пет години игра во КУД ,,Керамичар“. Неговиот татко Трајче Пановски дваесет години беше играорец во истото културно уметничко друштво додека неговиот помлад брат Димитар, е ученик на Основното музичкото училиште ,,Киро Димов“ во Велес.

Александар има Јутјуб канал https://youtu.be/biPG3T-3o6E

                          

Се надевам дека ова момче ќе го удостои Велес со својата промоција на орото и спотот, за што ќе ја добие поддршката на велешани.

Сепак, нешто се движи во културата на Велес и во овој период на вируси и пандемија. Потребно е да се поттикнуваат и подржуваат талентираните млади луѓе како Александар, кои несомнено ќе станат дел од нашата велешка и македонска култура.

Љупчо Данов

 

 

 

SEMM baner MK

Поврзани вести

SInalco PES 2021 web Baner 300x250 Duma

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново