Се избира „Музата на Рацин“, заштитното лице на манифестацијата „Рацинови средби“. Од вчера е отворен конкурсот и целта е современ третман на рациновата муза како значајно обележје на неговата љубовна поезија. Со овој настан се афирмираат и промовираат младите од Велес и нивно активно вклучување во реализацијата на „Рацинови средби“.

Со изведба на композицијата „Радусја невесто неневестнаја“ од Свети Нектариј Егински членовите на Младинскиот црковен хор „Свети Кирил и Методиј“ на Повардарската епархија го започнаа третиот Великопосен концерт во соборната црква „Свети Великомаченик Пантелејмон“ во Велес. Концертот се одржува во слава и чест на Воскресението Господово на скоро четири недели пред големиот христијански празник. Верниците кои присуствуваа на концертот имаа ретка можност да уживаат во изведбите на хористите во најубавата и најакустична внатрешност на црквата изградена од најголемиот македонски неимар и градител Андреа Дамјанов.

Од платна на кои што се насликани доживувањата на суштината на човековиот емоционален аспект е составена изложбата на академскиот сликар Трајче Чатмов, што вчеравечер беше промовирана пред велешката јавност. На сликите на Чатмов можат да се забележат човечки фигури кои межусебно се поздравуваат, војуваат, се соочуваат со своите пороци и страсти. Со техника акрил на платно Чатмов на 44-те слики ги пресликува чувствата кои човекот со помал или поголем интензитет ги изразува во секојдневниот живот.

Во Македонија постојат голем број неоткриени стари артефакти. Под секој камен на ова парче земја сеуште се кријат многу тајни за животот на луѓето пред повеќе години па и векови. Во потрага по информации поврзани со стари артефакти деновиве на една примитивнa тезга на градското пазариште во Велес сосема случајно откривме убава стара бакарна ламба, висока нешто над дваесет сантиметри и украсена со 12 црвени и зелени камења.

Четири танцови претстави ќе имаат можност да проследат граѓаните на Велес на сцената на театар Џинот во рамки на годинешното издание на „Танцфест“. На 09 април со почеток во 20 часот прв на сцената ќе настапи Скопје танцов театар со претставата „Стапнувајќи на земја“. По три дена на 12 април ќе биде изведена една од најекслузивните претстави за годинава „Боите на танцот“ на Државната опера и балет од Измир, Турција. На сцената на велешки театар на 19 април ќе настапи „Ruolite Dance Company“ со претставата „Strates“ од Париз, Франција. Танцфест во Велес се заокружува на 21 април со претставата „Волшебен свет“ во изведба на Скопје танцов театар.

„Детето со променет идентитет“ е насловот на првиот роман на велешанката Родна Јанчева . Романот е напишан според вистинска приказна и во него се опишува судбината на една млада студентка која поради разни околности го дава своето првородено машко дете на посвојување кај семејство без деца. Но патиштата во животот имсе преплетуваат и по дваесет години мајката и синот се среќаваат.

Поврзани вести

Web banner Duma Izvorska Izvor na 300x250px 01

Screenshot 2

52407849 472689196598964 4414210414364065792 n

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

15 (петнаесет) Оператори во производство

 

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:                                  ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 15/03/2019 година.