„Јавачи на коњи“ е филмска приказна за тројца бездомници, една желба, три приказни и еден проблем.

Младинскиот црковен хор „Свети Кирил и Методиј“ на Повардарска епархија и диригентот Веселинка Маџарова освоија три награди на петнаесеттиот московско меѓународен детско младински музички фестивал „Звуци Москва“ што од 11 до 14 мај, годинава, се одржува во руската метропола. Хорот во Велес се враќа со освоени прво место во духовна категорија и најдобра изведба на православна духовна музика, прво место во категорија на световна музика и најдобар диригент во категорија академско хорско пеење.

Во сабота, на 20 мај, со почеток во 20 часот во Театар „Џинот“ Велес ќе биде прикажан  во режија на Коле Ангеловски.

Од фондот на книги во градската библиотека „Гоце Делчев“, студентите и додипломците најмногу користат стручна литература, учениците лектири додека граѓаните најмногу ги бараат бесселерите. Библиотеката е задоволна од интересот за расположливиот фонд на книги што го покажува читателска публика во градот. Директорот Игор Крајчев, на одбележувањето на патрониот празник на институцијата, соопшти дека е задоволен од интересот кој библиотеката го поттикнува со тоа што редовно организира литературни читања и промоции на автори и книги.

Стрип Центарот на Македонија, со седиште во Велес, издаде два нови броја на ревијата „Стрип Креатор“ по која е познат дома и во странство. Оваа ревија има непроценлив придонес во развојот и афирмацијата на македонскиот стрип. Дваесет и петиот и дваесет и шестиот број на ревијата има сосема нов изглед од кој се очекува да ја зголемат неговата прифатливост кај стрип публиката во Македонија и пошироко.

Дванаесет театарски претстави годинава се влезени во официјалната програма на 52 Театарски фестивал „Војдан Чернодрински“. Тие ќе се натпреваруваат за престижните фестивалски награди. Уметничкиот директор и селектор на Фестивалот, Петар Темелковски денеска како гостин во Театарот „Јордан Хаџи Константинов Џинот“ во Велес ги соопшти селектираните претстави кои театрите ќе ги одиграат од 9 до 16 јуни, годинава во Прилеп.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново