Racinovinaslovna

Во срцето на Македонија, во рациновиот Велес и годинава, во четвртокот вечерта, на 14 јуни, дојдоа почитувачите на ликот и делото на најзнаменитиот велешанец, на сеуште ненадминатиот, најголемиот помеѓу живите и мртвите златоусти македонски поети, великанот Кочо Солев Рацин. Потомците на семејството Солеви, дваесетте поети од Македонија,Хрватска, Србија и Албанија кои учествуваа на Поетскиот митинг, преставници на Друштвото на писатели на Македонија, на МАНУ, амбасадори, на Делегацијата на Европската Унија, пратеници, градоначалници, членови на Советот на општина Велес и граѓани присуствуваа во салата на велешки театар на свеченото отворање на 55 Рацинови средби.

AngelPetrov naslovna

Ако пред неполн месец кога одбележувајќи го шест деценискиот творечки живот ни рече :„Ја барам светлината, што претставува живот. Kако кога се раѓа дете. Нов живот-светлина“ академскиот сликар Ангел Петров на отворањето на неговата изложба „Портретите на Рацин“ , што е дел од програмата на 55 Рацинови го откри своето неуморно трагање по одразот на поетовото око, што ќе го долови моментот на инспирација ,недофатливиот миг кога се раѓа стихот.

Со наградите „Најатрактивна претстава“ и „Најдобра машка улога“ која ја освои Кире Ацевски се врати во Велес Драмската театарска трупа „Словото“ од интернационалниот фестивал на поетичен театар што се одржа во воениот клуб во Русе, Бугарија во период од 19-21 мај.

Со комедијата „Вдовицата се мажи“ според делото „Мечка“ на Чехов, во режија и адаптација на Младен Крстевски, Театар „Јордан Х.К-Џинот“, Велес ќе настапи на Интернационалниот театарски фестивал „Руска класика“ во Москва, Русија. Фестивалот се одржува од 25 до 31 мај. 

Четириесет и осум години по ред во италијанското градче Џифони , во кое живеат четири илјади граѓани,а се наоѓа во близина на Неапол се одржува единствениот светски филмски фестивал за деца и млади. „Џифони фестивалот“ е посветен на филмови на теми кои ги засегаат токму децата и младите кој ги поттикнува на дебата, јасно соопштен став, дружење, пријателство, креативни и иновативни идеи. Тие имаат средби со светски познати актери и режсери со кои се дружат, им поставуваат прашања и добиваат автограм. Стекнувањето на искуството за дебатирање во дванаесетдневниот престој во Италија е главната цел. Покрај останатите 49 земји од пред десет години и Македонија е дел од мрежата на „Џифони фестивалот“. Тој се организира во месец октомври во Скопје. 

На концертот во Кавадарци Кокан Димушевски ,електронски инструменти, заедно со Љубиша Кировски ,виола, освен дел од бројните музички наслови во неговата обемна соло кариера надвор од матичните “Леб и Сол“, ќе исполнат и нови теми, премиерно за љубителите на убавата музика во Кавадарци. Концертот ке се одржи во Домот на култура, во среда, на 16 мај, со почеток во 20.30 часот.

Поврзани вести

Web banner Hit Portal Sinalco IceTea 2018 300x250px 01

 

Најново