Делата на Бах, Бетовен, Шопен, Рахмањинов и Зографски ги изведе пред велешани пијанистот Петре Штерјов. Солистичкиот концерт се одржа во просториите на детската градинка „Димче Мирчев“. Љубителите на класичната музика еден час уживаа во концертирањето на својот сограѓанин. На несекојдневниот настан во градот присуствуваше и сопругата на македонскиот композитор Томислав Зографски, Панда Зографска Беличанец.

Фотографии од кавадаречката чаршија во минатото и денес кои говорат за нејзиниот  раст и развој низ годините од  денеска станаа достапни за кавадарчани.  На 40 паноа се сместени околу 160 фотографии. Автори на изложбата се Петре Камчевски, директор на Музеј Галерија Кавадарци и Димитар Мурџев, новинар и портпарол на општина Кавадарци.

Седумдесетина уметници од неколку земји во изминативе денови активно твореа на меѓународната ликовна колонија „Кавадарци-Михајлово 2016“. Создадоа 160 дела, а синоќа истите беа изложени во галеријата на домот на културата „Иван Мазов Климе“ во Кавадарци.

Преку 24 фотографии, од вкупно 86 снимени пред две години во селата во велешкиот регион, скопскиот фотограф Шашков на љубителите на овој вид уметност во Велес им ја раскажува приказната за напуштените црковни храмови кои се дел од богатото културно наследство во државата. Изложбата е поставена во Ликовниот салон во Велес. На фотографиите на Шашков се овековечени црквите и манастирите кои и покрај видно нарушената состојба сведочат за автентичноста и континуитетот на македонската градителска и зоографска традиција. Тие пленат во просторот во кој се изградени, со своето материјално и духовно богатство.

Неколкумина млади автори од повеќе македонски градови, изминатиот викенд, беа гости на 5 -тата стрип колонија „Рашка 2016“.  Колонијата е традиционална и е организирана од Канцеларијата за млади како и од Клубот на ликовни уметници на општина Рашка. Годинешното учество на македонските стрип автори беше дел од перманентната интернационална соработка на домаќините и Стрип центар на Македонија со седиште во Велес.

Во изведбите на делата на Бах, Бетовен, Шопен, Рахмањинов и Зографски од страна на младиот велешки пијанист ,попладнево, ќе можат да уживаат љубителите на класичната музика во Штип.

Поврзани вести

Web banner Hit Portal Sinalco IceTea 2018 300x250px 01

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

20 (дваесет) Оператори во производство

Кандидатите треба да ги поседуваат следните квалификации:

  • ССС
  • Со или без работно искуство

Локација : Република Македонија - Велес
Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com или на адреса: ДПТ РОНТИС ДООЕЛ с. Долно Оризари бб, Велес 1400 (со назнака за Оператор ), најдоцна до 25/09/2018 година.