Во Велес ја започнала својата сликарска кариера и вчеравечер, по 23 години, повторно со изложба пред велешката јавност. Академскиот сликар Соња Чингарова Фотева го затвора кругот на својот десет годишен труд со изложбата на 27 уметнички слики, масло на платно. Мандала е насловот на изложбата и симболизира слика на круг во квадрат. Според неа тоа е местото од кое сите ние го започнуваме животниот пат испреплетен со замки, но најважно е да го најдеме, да чекориме по него и да стигнеме до целта.

Љубовта на младата Македонка Елена и на Турчинот Мурат опеана во народната песна „Елено ќерко Елено“ беше тема на аматерската драмска престава „Хуриет“, во превод „Слобода“, што синоќа на сцената во салата „Бели Мугри“ во Велес ја одиграа ученици на ООУ „Васил Главинов“. Автор на монодрамата е велешанецот Аљуш Ахмет. Претставата во која се потенцираше значењето на човекот и вредностите кои не познаваат вера и нација, ја режираше актерката Весна Димитрова Бобевски. Прикажувањето на претставата, во која настапија триесет ученици од училиштето , беше завршна активност на годинешното одбележување на патрониот празник на ООУ “Васил Главинов“.

Отворен е конкурс за четиринаесетиот Меѓународен Салон за стрип - Велес 2016. Право да учествуваат на конкурост имаат сите стрип автори од земјава и од светот без разлика на полот и возраста. На конкурост се наведени следниве условиза учество: должината на стрипот да биде од една до шест табли на А4 формат.

Со стихови нанижани едни по други во кои со голема љубов раскажува за ссвојот роден крај, поетесата Соња Теировска Ѓурчак , пред велешката публика ја промовираше својата најнова стихозбирка „Поетска плетенка“. Иако четириесет и три години живее во Германија, Ѓурчак со невидена леснотија раскажува за својата младост, природата и љубовта, вели промоторот на стихозбирката Божидар Јовиќ.

Цркви и манастири од земјава и од светот, како и уште многу други објекти на кои јасно е изразен спојот на духовното и природните убавини, преку фотографиите на новинарката Каролина Мицевска од Прилеп, вчеравечер без изложени пред очите на велешката јавност.

Академскиот вајар Стојче Тоциновски и академската сликарка Емилија Тоциновски освен што творат заедно се и брачни другари. Нивните уметнички дела, изработени со акрил на платно, се дел од изложбата во Ликовниот салон насловена како „Метафора на постоењето“. Останатите уметнички дела се на два пара брачни другари од Полска и на уште еден полски уметник. Станува збор за интернационална групна изложба која од останатите се разликува по тоа што ја сочинуваат брачни другари.

Поврзани вести

Web banner Duma Sinalco Nagradna Igra 300x250px

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

30 (триесет) Оператори во производство

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:

ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 10/02/2019 година.