Submit to FacebookSubmit to Google PlusSubmit to TwitterSubmit to LinkedIn

Ginekoloskistol naslovna

Наместо на дрвен родилен стол стар четириесет години, од денеска, родилките на Акушерското одделение во светиниколскиот Здравствен дом „ Примариус д-р Гаврил Гаврилски“ ќе се породуваат на модерен и нов. Него го донираше Ротари клубот од Свети Николе потпомогнат од бизнис заедницата. Новиот родилен стол кој чини 4.800 евра со платен ДДВ го замени стариот дрвен и амортизиран како резултат на упорноста на медицинскиот тим на одделението кој цели деветнаесет години ја реализира кампањата „Пријатели на мајките и бебињата“ со цел да го подигне квалитетот на здравствените услуги во породилиштето.

drNadica fin

-Многу Градоначалници на 1 јануари доаѓаа да поделат подароци на првиот жител и неговата мајка во Свети Николе а ние постојано баравме од нив помош за реновирање и опремување на Одделението за акушерство. Годинава имавме среќа актуелниот градоначалник Сашо Велковски освен што ни вети конкретно да започне со реализација на ветеното. Цели четири месеци набавката на родилниот стол беше тема на која се работеше. Велковски не препорача кај Ротари клубот и еве денеска во родилната сала го имаме посакуваниот стол што сметам дека ќе биде мотив родилките од Свети Николе да се породуваат на него наместо да одат во Скопје, Велес или Штип, рече д-р Надица Стојковска специјалист по гинекологија и акушерство.

Докторката соопшти дека за разлика од пред една деценија кога породувале по 100 родилки, а триесеттина поради потреба од оперативен зафат, царски рез, се пренесувале во Скопје или во болниците во соседните општини, последните години е намален бројот на раѓања во Здравствениот дом во Свети Николе.

„Да не се избрише Свети Николе“ ја именувале кампањата членовите на Ротари клуб на Свети Николе во чии рамки се обезбедени финансиски средства за купениот нов родилен стол.

Ginekoloskistol1 fin

-Посакавме на изводот на новородените деца во графата роден град да го пишува токму името на овој град, на Свети Николе, затоа што, за жал, на многу од нивнитеизводи на родени се впишани соседните општини или Скопје. Како најмлад Ротари клуб во државата со оваа и со идните наши донации сакаме да помогнеме во обнова на севкупната состојба во нашиот Здравствен дом, изграден како и останатите, во другите градови, во времето на поранешната држава Југославија. Почнавме од родилниот стол и сакаме да ги охрабриме родилките да ги раѓаат своите деца во Свети Николе, рече Ангел Димов претседател на Ротари клуб на Свети Николе.

Градоначалникот на Свети Николе им се заблагодари на Ротари клубовите од трите града, на бизнис заедницата но и на граѓани кои донирале средства за купување на родилниот стол.

GradonacalnikSaso Velkovski fin

-Се надевам дека создаваме услови за сите родилки во Свети Николе да се породуваат во ова акушерско одделение, значи во својот град. Идејата беше на д-р Надица Стојковска а заедно со менаџерскиот тим на Здравствениот дом се обидуваме да обезбедиме посовремени услови. Оваа донација е потврда дека сите заедно сме успеале, рече Сашо велковски, градоначалник на Свети Николе.

Изразувајќи благодарност до сите донатори директорката на Здравствениот дом рече дека се надеваи на идни донации како што е денешната и многу претходни со кои се подигнува квалитетот на здравствената услуга во градот.

soba fin

-Се надевам дека со купувањето на овој акушерски стол ќе ја намалиме болката на родилките и ќе ја зголемиме радоста бидејќи раѓањето е поврзано со најголемата болка на една жена и со нејзината најголема радост, рече д-р Славица Панева директорка на Здравствен дом „ Гаврил Гаврилски “ од Свети Николе .

ZdravstvendomSvetiNikole fin

Таа ја поттикна заедницата и донаторите своите наредни помошти да ги насочат кон смена на медицинскиот мебел и апаратура, промена на подот и варосување на одделението. Исто така д-р Панева соопшти дека преку донации досега е обновена лабораторијата, прозорите на зградата на јавната здравствена установа, чаршавите, ќебињата и постелнината за новородените бебиња на одделението./У.Ј

Поврзани вести

web banner 300x250 Sinalco Duma

banerknigovodstvo

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

20 (дваесет) Оператори во производство

 

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес ги охрабрува сите заинтересирани кандидати  да аплицираат, без разлика на нивната полова, верска или национална припадност.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:                                  

ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 10/09/2019 година.