Bogomila fin

Празникот Богојавление - Водици нѐ повикува да се очистиме од гревовите на денот кога водите во нашата земја се преобразуваат во свети води за да потсетат на денот кога Исус Христос се крштеваше во реката Јордан.

OJOGevgelija fin

Жител на Чашка е под истрага бидејќи пред два дена пијан се обидел да силува жена од селото Негорци, чија ќерка сакал да ја земе за жена. Тој и физички ја нападнал жената, а соседите успеале да ја одбранат.

CaskaAkcijanaslovna

Околу 200 вреќи со смет беа собрани во акција , како последна за годинава, на регионалниот пат од место викано „Пашин мост" до Долги Рид, потоа од Бусилски пат до Долги Рид и од населба Чашка до Долги рид. Еколошката акција се одржа во саботата на 28 декември 2019 година. Ја организираше Општина Чашка и во неа се вклучија општинската администрација, ЈПКД Тополка Чашка и Младинската работна бригада „Кочо Рацин“ на ЗГ„Акцијаш ветерани“ од Велес. Еко акцијата заврши со засадување на дрвја во населба Чашка.

ToseAtanasoski fn

На еден од вкупно петте краци на улицата Кочо Рацин во Чашка се родил и живее Тоше Атанасовски. Тој не знае како е да се гази по асфалт. Досега својот живот го поминал газејќи од влезната порта директно во кал. Поројните дождови ја слевале водата од ридот во подрумите на неговиот и на домовите на соседите. Асфалтирањето на овој дел од улицата и изградбата на атмосферска канализација за него значи надеж за нов живот.

CaskazbratimuvanjeGoran naslovna

Размена на искуства поврзани со подготовка на апликации за грантови од пристапните фондови на Европска Унија и од ИПА програмата за преку гранична соработка , посета на Општина Чашка од страна на Градоначалникот на Општина Хаџидимово , Људмил Терзиев со дел од администрацијата од одделението за Локален економски развој како и размена на идеи, искуства и планови за развој на двете општини, во Северна Македонија и во Република Бугарија се конкретните чекори на двете општини по збратимувањето.

AkcijaCaska naslovna

Сто вреќи од сто и уште десеттина од двеста литри со смет расфрлан покрај регионалниот пат Велес - Чашка, поточно од Пашин Мост до раскрсницата на Долги Рид, во Општина Чашка, собраа во четиричасовната доброволна акција триесетте акцијаши ветерани и петнаесет нивни млади следбеници, во денешната акција организирана од Работната доброволна бригада „Кочо Рацин“ на ЗГ „Акцијаш ветеран“ од Велес. Вака го одбележа јубилејот „40 години од ЛМРА Богомила 1979“ што го поддржа Општина Чашка и Градоначалникот Горан Стојановски.

Поврзани вести

lifer gif 300x250 Duma

baner i od veles se moze

E baner

Најново

АПЕЛ ЗА ПОМОШ НА СЕМЕЈСТВОТО МАНЕВИ

На 20 декември 2019 година во пожарот што изби во комплексот Варналиите, во Велес, на улица: „Јован Наумов Алабакот“ целосно е оштетена и куќата со реден број 10 на семејството Маневи во која живееја Љубица и Бојан. Огнот ги пеплоса покуќнината, мебел, технички апарати и гардероба. Тие немаат каде да живеат. Засега се згрижени кај роднини. На Љубица и Бојан им е потребна граѓанската помош и поддршка. Граѓани, да му покажеме на ова семејство, дека не е само во загубата на имотот. 

Пред и за време на новогодишните и божикни празници, секој од Вас колку што може нека донира на сметка 210-5016284563-22, депонент НЛБ Тутунска Банка АД Скопје. Сопственик на сметката е Манева Љубица со живеалиште на ул. Јован Наумов Алабакот број 10 во Велес. Број на повикување за физички лица е 289, за правни лицае 262, со назнака донација.

За добронамерните граѓани надвор од Македонија уплатите можат да се вршат на IBAN Code MK7210501628456322, SWIFT TUTNMK22.