Пет лица бесправно сечеле и превезувале огревни дрва вчера попладне и доцна синоќа во атарот на селото Степанци во општина Чашка. Дрвокрадците биле затекнати од полицијата и шумската полиција кај местото викано „Дервен“.

Извидниците на велешкиот одред „Димитар Влахов“ викендов го преуредија и оплеменија дворот на Центарот во селото Голозинци. Сега тој располага со летна училница што за неформални активности ќе
ја користат и младите од општина Чашка како и со осветлен камперски простор од подвижна електрична инсталација. Извидниците наскоро ќе ја изградат и капијата со посматрачница која преставува битен извиднички елемент на еден современ камперски простор.

Се засилува мониторингот на водите во државата а со тоа и се поедноставува работата на ЈВП „Лисиче“ и на Центарот за Јавно здравје во Велес. Инспекторатот за заштита на животна средина денеска им стави на располагање нова опрема за индикативни мерења на водите на вработените лаборанти на браната на Хидросистемот „Лисиче“. Нови апарати за поквалитетно следење на квалитетот на водата преку примероците што се земаат за анализи од чешмите, реките и езерата во регионот ќе добијат и лекарите во Центарот за јавно здравје во Велес. Опремата што Инспекторатот им ја додели чини скоро 100 илјади евра и е обезбедена од пред пристапната помош на ИПА 1 фондовите на Европската Унија.

Студеното време не ги спречи извидниците од „Димитар Влахов“ викендов да престојуваат во нивниот извиднички центар Голозинци и да реализираат низа активности од проектот „Создаваме подобар свет“. На првиот камп четириесетина членови на Извидничкиот одред од Велес и Чашка ја промовираа локалната младинска работа, поттикнуваа младинско учество, ја креираа Локалната младинска стратегија а дебатираа и за социјално интегрирање преку неформално образование. Но освен внатре во извидничкиот центар тие не ги пропуштија и активностите во природа.

Според податоците на ДИК, во општина Чашка на гласање излегле вкупно 3.984 граѓани што е 67,39 проценти од вкупниот број на гласачи евидентирани во единствениот избирачки список. Во оваа општина најголема доверба од гласачите добила Коалицијата за подобра Македонија предводена од ВМРО ДПМНЕ. За неа гласале 1.604 граѓани или 40,26 проценти.

Жителите од реонот на Азот се офајдија од печурки годинава. Заработија од седум до десет илјади евра. Берењето и продажбата на печурките, за жителите од Теово, Согле, Бистрица, Богомила, Ореовдол, Мокрени, Габровник, Ореше, Црешнево и Нежилово, стана профитабилна дејност. И не само за нив, од печурките заработија и граѓаните кои одамна ги напуштиле овие села, па во екот на бербата се вратиле и цело лето го собирале родот.

Поврзани вести

Web banner Hit Portal Sinalco IceTea 2018 300x250px 01

 

Најново