Дваесет и седум деца на возраст од две до шест години се згрижени и има место за уште дваесет и три чии родители се заинтересирани да ги запишат во клонот на детската градинка „Димче Мирчев“ во Чашка. Децата се распоредени во две возрасни групи во изминатите месеци и со нив работат воспитувачи и негуватели. Објектот е во сопственост на општината.Тој е преадаптиран и опремен со пари на министерството за труд и социјална политика во вкупен износ од 3.072.647,00 денари. Согласно владините мерки до крајот на мандатот треба двојно да се зголеми бројот на деца опфатени во предучилишно образование, соопшти министерката Мила Царовска на денешното свечено пуштање на првата детска градинка „Бамби“ во Чашка.

Со вкупно 5,4 милиони евра од Европската Унија се реновирани десетте железнички станици во Македонија, по линија на Паневропскиот коридор 10 и кракот 10-д. Од нив 2,5 милиони евра чини реконструкцијата на скопската а останатите пари на даночните обврзници на земјите членки на Европската Унија завршија во обнова на останатите девет железнички станици во државата. Тоа е само една петина од вкупно 250 милиони евра што ЕУ ги вложи во подобрување на транспортот во Македонија со цел да ги подобри потребите на патниците и да помогне во економскот развој на земјата, рече евроамбасадорот Самуел Жбогар.

Во научно творечката екскурзија „Истражувајќи го минатото, имаме визија за иднината“ учествуваа деновиве вкупно 32 ученици од двете основни училишта „Лирија“ од село Горно Јаболчиште и „Тодор Јанев“ од Чашка. Станува збор за по 16 ученици од двете училишта кои настава следат на различен наставен јазик, македонски и албански.

Со една и единствена цел да се подигне свеста кај граѓаните за поддршка на болните од ретката болест „Пулмонална (белодробна) хипертензија“, викендов, членовите на спортското планинарско друштво „Зелен рај“ од Велес се искачија на врвот Љута на планината Кадиица.

По последната сеча на дрва од страна на ШС „Бабуна“ затрупана е пешачката патека од село Нежилово до планинарски дом Чеплес на планината Јакупица. Според планинари кои деновиве не можеле да пешачат поради исечените и оставени дрвја и гранки гледката што ја фотографирале била само на почетокот на патеката. Тие бараат исечените дрвја и гранки што поскоро да ги извлечат шумарските работници.

Ни дождот ниту снегот, што викендов врнеше и паѓаше, во општина Чашка не ги поколеба над стотината планинари од Велес, Скопје, Богомила да го одржат традиционалниот марш по врвиците на „Февруарскиот поход“. Планинарите тргнаа од железничката станица во Велес, со воз во кој ги чекаа нивни колеги од Скопје и патуваа до станицата во Богомила каде им се приклучија планинари од Прилеп и Битола. Планинарите тргнаа пеш кон планинарскиот дом во село Мокрени за потоа да продолжат кон планинарскиот дом во село Ораов дол. Таму ноќеваа првата вечер за вториот ден да ја отпешачат вкупната делница која го имаше како дестинација селото Теово од каде се вратија со воз во Велес.

 

 

SEMM baner MK

Поврзани вести

KOZUVCANKA 2021 01

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново