Над 6000 лозари аплицирале за субвенции

За разлика од минатите години кога последните денови од рокот за поднесување на барања за субвенции се создаваа големи гужви пред подрачната единица на МЗШВ во Кавадарци, годинава тоа не е случај. На само два дена пред крајниот рок веќе најголем дел од земјоделските производители си ја завршиле работата со апликациите.

Раководителот на подрачната единица, Зоран Шалев, информира дека досега се примени над 6000 барања и искажа задоволство од тоа што годинава воопшто не се создадени гужви при аплицирањето.

„Kрајниот рок е 30 јуни. Поминавме многу порелаксирано и навреме земјоделците аплицираа. До овој моемнт имаме примено 6300 апликации, очекуваме уште околу 200 апликации“ рече раководителот на п.е на МЗШВ во Кавадарци, Зоран Шалев.

До крајот на август земјоделските производители можат да аплицираат и за субвенции за да ги осигураат своите посеви од елементарни непогоди. Нестабилното време и честите врнежи од град, но и другите штети кои се резултат на времето ги натераа земјоделците помасовно да ги осигуруваат посевите.

„Минатата година имавме околу 700 барања за субвенции по овој основ. Годинава очекуваме дека максимум ќе добиеме околу 800 барања“, рече Шалев./А.Д