Submit to FacebookSubmit to Google PlusSubmit to TwitterSubmit to LinkedIn

„Напредокот на Кавадарци и подобрувањето на животот на граѓаните на Кавадарци отсекогаш ми биле примарна цел во мојата политичка кариера. Како советник во општина Кавадарци и особено како пратеник во Собранието на Република Македонија, секогаш со искрена желба и со сите сили се борев за Кавадарци и за Кавадарчани“ рече меѓу другото на денешната прес конференција, кандидадтот за градоначалник на Кавадарци од СДСМ, Бетиане Китев.

Тој нагласи дека со цел да придонесе за подобар живот во Кавадарци ја прифатил кандидатурата за градоначалник.

„ Силно верувам дека Кавадарци, со напорна и посветена работа, но и со искрени и некорумпирани луѓе на чело на општината, може да стане еден од најразвиените градови во Македонија. Мојата визија е Кавадарци да стане модерен европски град, со одлична инфраструктура, со чист воздух и здрава животна средина, урбано целосно уреден, привлечен за туристите, и економски силно развиен, каде секој граѓанин ќе може достоинствено да живее. Со сите сили ќе се борам општина Кавадарци да стане лидер во транспарентност, отчетност и ефикасност на администрацијата. Општината и претпријатијата ќе бидат вистински сервис на граѓаните“ нагласи Китев и порача дека било  време Кавадарци да го добие сјајот кој го заслужува, и од политички, но пред се од економски и социјален аспект

Граѓаните на Кавадарци, рече Китев,  заслужуваат да имаат многу повисок животен стандард, посредени улици, поубави паркови, нови градинки, нови спортски терени и  почист воздух.. Повика во недела кавадарчани да гласаат за број 19 и за градоначалник и за советничката листа на Социјалдемократскиот Сојуз на Македонија и коалицијата.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново