Submit to FacebookSubmit to Google PlusSubmit to TwitterSubmit to LinkedIn

По пауза од една година, годинава повторно ќе има организиран дочек на новата година на градскиот плоштад во Кавадарци. Кавадаречкиот совет на последната седница ја прифати предложената програма за одбележување на новогодишните и божиќните празници.

Од општинскиот буџет ќе бидат издвоени 803.527 денари за програмата.

Како што се наведува во неа, во периодот пред нова година, во координација со основните училишта градоначалникот заедно со Дедо Мраз ќе дели новогодишни пакетчиња за децата од прво до петто одделение. Пакетчињата ќе се делат за време на новогодишните приредби во училиштата.

Новогодишни пакетчиња општината има планирано и за децата од социјално загрозените семејства кои не посетуваат настава, за децата од специјалната паралелка, децата кои се на болничко лекување, здружението на слепи лица и други загрозени семејства.

За најмладите по повод новогодишните празници ќе биде реализирана новогодишна детска претстава како и изложба на друштвото на ликовни уметници од Кавадарци.

Исто така во програмата е предвиден свечен новогодишен прием кај градоначалникот за претставници од јавниот приватниот и невладиниот сектор од градот и вработените во локалната самоуправа.

За дочекот на новата 2018 година на градскиот плоштад ќе биде организирана културно-забавна програма со настап на локални бендови, почетокот на новата година ќе биде означен со спектакуларен новогодишен огномет. Присутните на плоштадот ќе ги забавуваат бендовите Трилоџи, Лексикон и Бадасал, а за хумор ќе биде задолжен актерот Диме Коцевски.

На 8 јануари ОМБУ „Лазо Мицев Рале“ ќе одржи божиќен концерт.

Минатата година Кавадарци ја откажа новогодишната прослава и парите предвидени во програмата беа пренаменети за хуманитарни активности./A.Д

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново