Submit to FacebookSubmit to Google PlusSubmit to TwitterSubmit to LinkedIn

Сообраќајот на раскрсницата на булеварите „Никола Минчев“' и „Македонија“ во Кавадарци ќе се регулира со семафори. Ова е новиот сообраќаен проект на кој деновиве работи општина кавадарци.

„Градежната оператива вчера работеше на ископ на канали за поставување на подземната електро инсталација, после што ќе следи наредната  фаза на поставување анкери за столбовите на кои ќе се постават светлечките семафорски единици.Вкупната инвестиција чини  1.500.000 денари со ДДВ. Изведувач на работите е специјализираната фирма „Електро Софт инженеринг“ ДОО од Скопје. Се очекува семафорот да биде предаден во употреба до крајот на месецот.“ информираат од општината.

Ова  ќе биде шестата раскрсница во Кавадрци  каде сообраќајот ќе се регулира со семафор. Согласно проектот ќе бидат поставени вкупно 10 столбови од кои 6 за возачи, 12 за пешаци и 4 одбројувачи на време.

Инаку Општината во наредниот период ќе го пушти во употреба третиот пешачки-училишен семафор пред ООУ „Страшо Пинџур“ во Кавадарци.

Општината очекува со овие две нови  семафорски решенија во голема мера да се обезбеди побезбедно регулирање и одвивање на сообраќајот низ градските улици/А.Д

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново