Submit to FacebookSubmit to Google PlusSubmit to TwitterSubmit to LinkedIn

kavadarci

За само неколку часа по објавувањето на јавниот повик дека општината ќе субвенционира набавка на енергетски ефикасни грејни тела, кавадарачани го исполниле лимитот. До крајот на работното време, вчера до општинските служби биле доставени 103 барања за субвенции, потврдија од кабинетот на градоначалникот Митко Јанчев.

„Комисијата го разгледа бројот на апликации и утврдено е дека се пристигнати 103 барања и со тоа се надминува бројот на предвидени барања од поднесители во рамките на предвидениот буџет. Поради транспарентност и отчетност во работењето на Општина Кавадарци и поради големиот број на пристигнати барања при разгледување на барањата на следниот состанок на Комисијата доколку се констатира дека вработени во Локалната самоуправа и нивни членови од поблиското семејство , како и Советници во Совет на Општина Кавадарци и нивни членови на поблиското семејство имаат поднесено барање по Повикот, нивните барања нема да бидат разгледани“ велат од кабинетот на Јанчев.

Веќе за наредната седница на кавадаречкиот совет, поради големиот интерес, градоначалникот ќе предложел уште еден јавен повик за субвенционирање за купување енергетско ефикасни грејни тела./А.Д

Поврзани вести

Web banner Hit Portal Sinalco IceTea 2018 300x250px 01

Најново