Submit to FacebookSubmit to Google PlusSubmit to TwitterSubmit to LinkedIn

obuka pozar

Стотина вработени во Македонски шуми денеска беа дел од обуката и вежба „Витачево 2019“ кои се реализираа во Кавадарци. Најнапред во просториите на СОЗШУ „Ѓорче Петров“ се одржа теоретскиот дел од обуката каде претставници од Дирекцијата за заштита и спасување ги обучуваа работниците како успешно да дејствуваат при шумски пожари.

Потоа обуката продолжи на висорамнината Витачево каде се демонстрираа новите пумпи и возила набавени од Македонски шуми за дејствување при шумски пожари и пожар на отворен простор.

Третиот дел од обуката беше изведување на практичен дел, гасење на пожар со контра пожар. Се дејствуваше со новите пумпи и возила, а пожарот се гасеше и со помош на два авиони на Дирекцијата за заштита и спасување.

„Покрај редовните активности кои ги имаме во делот на производство и заштита и борба против бесправните  сечи, ние како национални шуми имаме обврска да се бориме и против пожарите кои настануваат во шумите. Редовните вежби кои ги правиме се недоволни,  па затоа во соработка со дирекцијата за заштита и спасување направивме заедничка обука на нашите гасначи на пожари. Обуката беше во два дела, теоретски и практичен. Се надеваме дека нашите тимови ќе бидат по експедитивни при гасење на пожар“.  рече во изјава за Канал 77 , директорот на ЈП Македонски шуми, Зоран Ѓорѓиев.

Тој информира дека се набавени и четири нови возила за таа намена и тие беа  вклучени во денешната обука.

„Дирекцијата за заштита и спасување во континуитет преку цела година врши вакви обуки. Еве денеска имаме една посериозна обука со припадниците на национални шуми и мислам дека ќе продолжиме во оваа насока“ изјави Аднан Џаферовски, директор на Дирекцијата за заштита и спасување.

Вежбата ја следеа претставници на АРМ, полицијата,  против пожарната единица и екипа на итната медицинска помош од Кавадарци./A.Д

Поврзани вести

Web banner Duma Kozuvcanka Fakti 300x250px 01

Најново