Submit to FacebookSubmit to Google PlusSubmit to TwitterSubmit to LinkedIn

Lekovita voda

18.01.2021

Вчерашниот студен, но и сончев убав ден, многумина го искористија да прошетаат во планина, особено на места каде што има снег. Голем број кавадарчани, неготинци, но и други бројни посетители можеа да се сретнат на повеќе локации од патот кој води до одморалиштето Михајлово, особено на подрачјето кое географски се нарекува Витачево. Иако, ова место се наоѓа во подножјето на планината Кожуф, на висока надморска височина, сепак и во зимски услови е достапно за секого. На ова подрачје се наоѓаат повеќе села, од кои, некои се со постојани жители, но поголем број од нив, сега претставуваат викенд населби.

Малкумина знаат дека на ова подрачје, поточно на 15 километри од Кавадарци, од десната страна на патот кој води до Михајлово, се наоѓа селото Гарниково. Селото Гарниково некогаш било големо, претежно сточарско село, но денес брои многу малку постојани жители кои ја продолжуваат традицијата да се занимаваат со сточарство. Денес с. Гарниково е препознатливо по лековитата света вода која се наоѓа веднаш до манастирчето „Свети Петар и Павле‟, каде се наоѓа мала црква од каде извира водата која е посветена на „Св. Петка‟.

Manastir Garnikovo

Со верба дека таму ќе го најдат лекот, иако температурите беа длабоко под минусот, по патот покриен со снег, сретнавме луѓе кои се упатуваа кон манастирот и лековитата и света вода. Како што луѓето раскажуваа, многу луѓе од земјава, но и од странство, со голема верба, миејќи се, и пиејќи од оваа вода го пронашле лекот за својата болест. На местото каде што се наоѓа самиот извор на лековитата света вода, видовме и дрво на кое имаше закачено лулашка, за која се верува дека е закачена од луѓе кои не можеле да остварат рожба.

Според легендата која се раскажува, светата лековита вода ја открила старата кавадарчанка Срба Витанова, која сонила сон на ова место да гради манастир. Самата велела дека светците и рекле да се нарекува Спаса. За неа кавадарчани сеуште веруваат дека била обдарена од светиот дух да ги гледа светците и да зборува со нив. Велат дека правела своевидни чуда додека била жива. Млади добивале пород по долго чекање. Невреме престанувало тогаш кога се чинело дека никогаш нема да престане, како со нож пресечено. Помош од неа барале луѓе од земјава, но и од странство. Самата си претскажала дека нема да умре дома и навистина умрела токму во манастирот, на денот кога таму се славело . Но, и сега кога ја нема старицата чудотворка, чуда продолжуваат да се случуваат благодарение на светиот објект, кој е украсен со извонреден венец, претходно исплетен од цвеќиња, раскажуваат лица кои се запознати со чудата кои се случуваат на ова место.

Длабоко во планините, целото место е толку живописно што пленува со недопрена природа и истото вреди да се посети.

Мите Јаначков

 

 

SEMM baner MK

Поврзани вести

SInalco PES 2021 web Baner 300x250 Duma

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново