Уште три лица со хендикеп од Кавадарци ќе можат полесно да ги извршат своите обврски, да прошетаат и да се дел од случувањата во градот.  Општината  додели три електрични колички за лица со инвалидност. За оваа намена од буџетот се потрошени 220.000 денари. Потребата за полесен живот на лицата со инвалидност од овие колички е огромна.

Винарските визби Повардарие и Гарланд Агрофуд кои се уште им немаат платено на лозарите за гројзето од ланската реколта, се избришани од регистарот на производители на вино, а за повторно добивање лиценца, освен што ќе треба да ги подмират обврските кон лозарите, обврзани се да платат и казна од 10 отсто од сумата која ја должат кон производителите на грозје.

Храмот посветен на Свети Великомаченик Димитрија  во Кавадарци ќе биде целосно реновиран. Започнати се градежните активности за обнова на храмот. Црквата е целосно подготвена за малтерисување, темелите се обновени, а ќе се изведуваат и други градежни работи, храмот да добие и нов изглед.

Поголемо внимание да покажат земјоделците по својот живот за време на наводнување на земјоделските површини, апелираат од Македонскиот електро преносен систем оператор МЕПСО. Посебно внимание треба да се посвети при поставувањето на распрскувачите, тие да не бидат под далеководите, бидејќи водата е проводник.

Доаѓа уште еден нов гроздобер. Повторно ќе се бери винското грозје од новата реколта, а пред лозарите е исправена уште една голема неизвесност. Ќе има ли кој да го купи целото грозје и ќе имаат ли кондиција визбите  да платат во скратениот рок за откупениот род. Овие прашања ќе добијат одговор кога ќе почне бербата, но им задава мака на производителите на грозје уште пред самиот старт.

Дали да се осигураат земјоделските посеви и култури од град и други елементарни непогоди од времето  кои можат да го оштетат производството на храна или да делува противградобијната заштита. Ова е дилема што неколку години преовладува како кај земјоделците така и кај стручната јавност.

Поврзани вести

 

Најново