Крводарителска акција во СВР Велес
Хуманоста не познава професија. Вработените на Секторот за внатрешни работи во Велес денеска ги подадоа своите раце на крводарителската акција која секоја година традиционално се одржува во зградата на велешката полиција. На акцијата се собраа дванаесетина крвни единици речиси од сите крвни групи. Според д-р Ефтим Димитровски од Институтот за трансфузија во Скопје, соработката со велешките институции е на високо ниво.
„Велес е еден од водечките градови во Македонија каде што крводарителството е на доста високо ниво. Ние соработуваме со повеќето фирми, со средните училиштата, така да ние сме задоволни од вас велешани, рече д-р Димитровски.
Од Институтот за трансфузија се надеваат дека ваквата сорабоптка со велешките институции на полето на крводарителството ќе продолжи и во иднина./Д.С