О.О СДСМ Велес:: На кој начин директорот на Колска плаќа придонеси на работниците ако тие добиваат половина од платите
Со половина плата за март и половина за април преживуваат работниците на велешка Колска во првата половина од годинава, велат од СДСМ. Според опозицијата Без плата и здравствено осигурување работат сто дваесетте работници кои велат се последица на неспособното управување на кадрите на ВМРО ДПМНЕ. Опозицијата прашува на кој начин директорот на Колска Борис Алчев платил придонеси за пензиско и здравствено осигурување ако исплатил само половина плата.
„Врз основа на која законска регулатива Алчев исплаќа половина плати за два последователни месеца. Ова поигрување со судбината на работниците кои чесно си го заработуваат лебот е недозволиво. Да потсетиме, тие исти работници дадоа позајмица на сопствената фабрика со една цела плата, за да се поправи кровот на фабриката од 160 илјади метри квадратни за да може нормално да се работи“, рече Иван Ивановски, О.О. на СДСМ.
Од СДСМ велат дека додека се трошат милионски суми за споменици во Скопје, работниците од Колска се оставени без работа, без плати и без здравствено осигурување./Д.С