Submit to FacebookSubmit to Google PlusSubmit to TwitterSubmit to LinkedIn

Преку официјалниот Фејсбук профил, велешката детска градинка „Димче Мирчев“ најавила дека ќе присуствува на вечерашниот митинг на коалицијата „За подобра Македонија“ предводена од ВМРО ДПМНЕ. Станува збор за прифатена покана на администраторот на фејсбук страната за присуство на митингот. Веста денеска брзо се прошири на оваа социјална мрежа. За неа се зборуваше и низ градот. Беше коментирана од граѓани и од родители на децата кои се згрижени во оваа општинска институција. Тие најчесто коментираа како е можно воспитна установа да врши политичка пропаганда со „лајк“ на митинг што треба да се одржи во градот и како може да се кликаат „лајкови“ од профилот на градинката на профили против владејачката СДСМ и нејзиниот лидер Зоран Заев.

„Лајковите“ од фејсбук страната на детската градинка „Димче Мирчев“ денеска беа тема на една од прес конференциите на Општинската организација на СДСМ во Велес. Кандидатката за член на Советот на Општина Велес, Вероника Ивановска побара од градоначалникот Славчо Чадиев, кој исто така е кандидат за втор градоначалнички мандат на коалицијата предводена од ВМРО ДПМНЕ, веднаш да реагира.

- Недозволиво е на фејсбук страницата на градинката „Димче Мирчев“ да се рекламираат и да се повикуваат граѓани на политички митинг. Тоа е казниво со закон. Господине Чадиев, дали знаете што направила вашата директорка на градинките? Ова ли се вашите кадри? Со вакви ли кадри ќе ја водите општина Велес? Најмалку што можете да направите е да им се извините на Велешани, рече Ивановска./У.Ј

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново