Сите крвни елементи за болните граѓани од Институтот во Скопје можат да стигнат во Велес за еден до два часа и болницата да им ги даде наместо скопските Клиники

Пациентите од Велес кои имаат потреба од примање на крвни додатоци како свежи тромбоцити, можеби испрани еретроцити или некој друг вид на крв, плазма не мора да одат во Скопје и на Клиниките да ја примат потребната количина за да им се подобри здравствената состојба. Тие доволно е само да побараат помош од Интерното одделение на велешката болница а специјалистите интернисти треба да организираат земање на крв и да ги прочитаат резултатите по извршеното лабораториско испитување што е доволно да изготват требовање за количината и да го достават до дежурниот лаборант во одделението за Трансфузиологија кое е во склоп на Болницата. Лаборантот има обрска да ја нарача потребната количина што Институтот за трансфузиологија од Скопје се обврзува веднаш да ја испорача, додека пациентот е во дневната болница, на самото одделение. Штом крвта, свежи тромбоцитите стигнат за отприлика еден или два часа, таму ќе може да ја прими потребната количина, велат денеска од Институтот за Трансфузиологија. Истото се однесува и за пациентите кои имаат потреба од друг вид на крв или крвни плазми кога станува збор за пост оперативна потреба а тоа треба да се даде на одделението за лекување на хирушки болести.

– Давањето на свежи тромбоцити е исто како и крв, крвна плазма. Вреќичките се ставаат на сталка и преку инфузионен систем се внесуваат во човечкиот организам. Се одредува само колку капки во минута треба да протечат низ инфузиониот систем. Тоа не е никаков специфичен процес и го знае секој медицински работник. Доколку е потребна дополнителна едукација на медицинскиот персонал Институтот за Трансфузиологија ќе стави обучен кадар на располагање да им појасни на колегите во болницата во Велес како се работи со овој вид на крв. Напоменувам дека воопшто не е нешто посебно и невообичаено бидејќи тоа е секојдневна работа на здравствените работници, рече Бојан Делчев од Институтот за трасфузиологија во Скопје.

Тој потврди дека Велес е хуман град кога е во прашање дарувањето на крв. Затоа за секоја потреба од било каков вид на крвни елементи Институтот со сопствен превоз обезбедува количини што мораат да стигнат веднаш по нарачката. Така е и со останатите градови во државата констатираше Делчев.

Досега праксата на болните на пример од канцер во Велес покажуваше дека тие за да примат свежи тромбоцити одеа до Скопје и таму, на Клиниката за Онкологија во дваесеттина минути, ги примаа потребните крвни елементи. Скоро сите користеа приватни возила и патуваа во лоша здравствена состојба токму поради слаба крвна слика.

Инаку досега на одделението за интерни болести во велешката болница нема пракса да се даваат свежи тромбоцити. Првичните информации од таму беа дека немале барање и искуство кога станува збор за ваков вид на крвни елементи.

Одделението за трансфузиологија само работи во простор на велешката болница, каде плаќа скромна сума пари, за наемнина. Тоа функционира со еден специјалист трансфузиолог и уште еден специјализант но, не располага со апарати за ваква обработка на крвта туку располага со крв и крвна плазма а има обврска поспецифичните крвни елементи да ги нарачува независно дали станува збор од специјалистот или специјализантот кои во втора или трета смена работат на повик.

Директорот на ЈЗО Болница Велес пред десеттина дена, кога за пациентка болна од канцер, се појави потреба од примање на свежи тромбоцити изјави дека тие за жал немаат увид во работата на одделението за Трансфузиологија затоа што тоа не е под нивна туку под надлежност на Институтот во Скопје. Д-р Димитар Стровјановски тогаш рече дека без разлика на се а во интерес на здравјето на Велешани граѓаните треба само навремено да информираат за потребата што здравствените работници ќе ја завршат./У.Ј