Submit to FacebookSubmit to Google PlusSubmit to TwitterSubmit to LinkedIn

Велешката пита пастрмалиа , според пишани документи, е најстара во Република Македонија. Велешани се горди што познатите фурнаџии први ја направиле питата уште за време на турското владеење, некаде околу 18 век. Првата пастрмалиа била направена од тесто, а „зaирето“ внатре било само од пастрма. Тие што ја јаделе, поради нејзиниот солен вкус, пиеле и доста вино и тоа црно и комињак. Како минувале годините така покрај пастрма во питите се ставало свинско месо и јајца. Велешката пита подоцна почнале да ја прават и штипjани, неготинчани, радовишани, кратовчани.

Сепак, малкумина во денешен Велес знаат од кога до кога во годината се прави и се јаде питата пастрмалиа. Порталот Дума во разговор со познатиот фурнаџија и голем мајстор на пити Ѓорѓи Митков го дозна и овој податок.

„Од дедо и предедо во Велес питите почнувале да се прават од крајот на ноември па се до Чисти понеделник. Во фурните на Којник, Мегдан, Бричкова, Маалска, Варналиите, Читкушева, Дворови, Долни Дуќани, Под Теќе и на други места се чекало со часови за пастрмалиа. Секој од дома си го носел „заире“ и јајца, а тестото и свинската маст, која се ставала во „заирето“ и со која, за да биде мека, како душа, се премачкувале тестените краишта на питата. После Прочка, од Чисти понеделник, од кога започнуваaт Велигденските пости, сите фурнаџии правеле пити само од тесто, а наместо месо и јајца во средината на питата ставале само сусам со неколку капки зејтин. Така велешани на Чисти понеделник јаделе посни пити“, ни рече мајстор Ѓорѓи Митков.

Сепак, оваа традиција, денес велешани не ја почитуваат. Пити се прават и гостираат и пред крајот на ноември, а и после Чисти понеделник. /С.А.

Поврзани вести

Web banner Duma Sinalco Nagradna Igra 300x250px

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

30 (триесет) Оператори во производство

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:

ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 10/02/2019 година.