Submit to FacebookSubmit to Google PlusSubmit to TwitterSubmit to LinkedIn

bolnica fin

Пет дипломирани лекари по општа медицина денеска склучија договори за вработување на неопределено време со ЈЗУ Општа болница Велес. Согласно програмата за стручно усовршување сите ќе бидат упатени на специјализација и тоа за Болничка педијатрија, Радиологија, Абдоминална хирургија, Гинекологија и Неврологија. Вработувањата беа најавени при последната посета на Министерот за здравство, Венко Филипче на јавната здравствена установа при повторното ставање во употреба на Компјутерскиот томограф.

Освен овие лекари во болницата, изминатата недела, се вработени и тројца специјалисти и тоа по еден гинеколог - акушер, психијатар и специјалист по физикална медицина и рехабилитација.

Во исто време од болницата со сопштение за јавност одговара на дезинформации што се ширеле на социјалните мрежи поврзани со затворањето на болничката кујна. Во интерес на вистината во соопштението се објавени податоци зошто, кога и од кого била затворена кујната како и за причините за продажба на кујнскиот мебел кои се во тек.

„Во 2014 година врз основа на извршениот увид од страна на одделение по хигиена и здравствена екологија при ЈЗУ Центар за јавно здравје Велес, констатирано е дека согласно Програмата за јавно здравје на Република Македонија, хигиенските и градежни карактеристики на просториите за прием на суровини и подготовка на храна не се во согласност со општите барања за производство на безбедна храна.

Станува збор за опрема во кујна постара од 40 години а самиот објект датира од 1965 година.

Поради ова Управниот одбор на ЈЗУ Општа болница Велес на ден 17.06.2014 година донел Одлука за престанок со работа на кујната во ЈЗУ Општа болница Велес.

Одлуката е реализирана во 2016 година со Постапка за јавна набавка на готова храна од надворешен економски оператор, а опремата од тој момент е ставена надвор од употреба.

Бидејќи опремата е стара и голем дел од неа е неупотреблива, а сега ЈЗО Општа болница Велес е во фаза на реализација на нов проект - Ургентна интернистичка единица, истата опрема со Одлука на Управен одбор од 5 септември 2018 година е расходувана и е предложена за продажба.

Согласно позитивните законски прописи, истата се проценува од страна на овластен проценител, со што се определува почетна цена за јавна аукција преку електронскиот систем на Министерството за финанси и за која е потребна согласност и од Владата на Република Македонија. Целокупната процедура е во тек.

Бидејќи со изнесување на лаги и невистини, се нарушува угледот на ЈЗУ Општа болница Велес, ќе превземеме законски мерки против порталите и лицата што креираат лажни вести и изнесуваат клевети на штета на угледот кон ЈЗУ Општа болница Велес,“ пишува во соопштението за јавност на здравствената институција./У.Ј

Поврзани вести

Web banner Duma Izvorska Izvor na 300x250px 01

Screenshot 2

52407849 472689196598964 4414210414364065792 n

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има
потреба да вработи:

10 (десет) Оператори во производство

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:                                  ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 15/04/2019 година.