Тројца новозаболени и еден оздравен од Ковид 19 во Велес
2.07.2020
Во последните 24 часа кога се направени 1653 тестирања и регистрирани 173 нови случаи на ковид-19 меѓу нив се и тројца велешани. Во вардарски регион освен во Велес регистрирани новозаболени има и три во Кавадарци како и шест во Свети Николе
Починати во изминатото деноноќие се 15 лица. Осум се од Скопје, двајца пациенти од Тетово, по двајца од Струга и од Гостивар и еден пациент од Охрид.
Денеска Институтот за јавно здравје регистрира 150 оздравени пациенти. Меѓу нив е еден од Велес и двајца од Неготино.
Досега во земјата се направени вкупно 63.383 тестирања на ковид-19. Денеска нема тестирања во рамките на скринингот.
Вкупната бројка на ковид дијагностицирани во нашата земја од почетокот на епидемијата изнесува 6625, бројката на оздравени пациенти е 2748, на починати е 321, а во моментов бројот на активни случаи во земјата изнесува 3556./У.Ј