Во последниве години во Велес драстично се зголемува бројот на разводи. Тоа го потврдува и фактот што само во јануари годинава во Основниот суд во Велес се поднесени 13 тужби за раскинување на брачна заедница. Во споредба со лани бројот на разводи за овој месец е двојно поголем. Во првиот месец од годинава, според матичната служба, во брачна заедница стапиле 20 парови.

Четворица жители на Прилеп на возраст од 19 до 35 години вчера се фатени како бесправно сечат дабово огревно дрво во месноста викана Црници во атарот на село Степанци. Ги фатила Шумската полиција при вршење на контрола и ги лишила од слобода. Полицијата од нив одзела десет метри дабови дрва, два патнички автомобили, една моторна пила, рачна количка и други предмети. Тие ќе одговараат за нелегална сеча и трговија со дрва и за пустшење на шума, додека одземените дрва, возила и другите предмети се предадени на Шумската полиција заради спроведување на понатамошни дејствија.

Четири тенди со купола набави Центарот за развој на Вардарски плански регион. Тие  ќе се користат за потребите на сите општини од Вардарскиот регион , за сите манифестации кои ќе се одржуваат во текот на целата година. Денеска две од тендите беа поставени пред административниот влез на спортската сала Гемиџии во Велес. Општината планира да набави уште четири кои ќе бидат во функција на големите настани што ќе ги организира годинава.

Хабитат и општината заеднички ќе ги евидентираат сите колективни станбени објекти во Велес. Ќе прават база на податоци во која освен бројката на обејкти ќе се регистрира видот и состојбата во која се наоѓаат тие, како и на електричната и водоводната мрежа, оџаците , лифтовите и на помошните скали за пожар, а ќе се прави и регистар на управители на згради. Анкетата ќе ја прават екипи од двајца или тројца анкетари во зависност од големината на зградата и бројот на жители во неа.

На еден час пред истекот на крводарителската акција што традиционално ја организира Унијата на млади сили на ВМРО ДПМНЕ заедно со Црвен крст, крв дарувале седумдесесетина хумани граѓани на Велес. Организаторите очекуваат и овој пат да ја исполнат бројката од над стотина собрани крвни единици.

Шеесет и пет годишен велешанец е пронајден во бесознание, вчера вечерта околу 21.30 часот, на еден километар по завршувањето на улицата Коле Цветков. Тој лежел  на земјениот пат од  левата страна на реката Вардар  во правец на село Караслари, односно на спротивната страна од фабриката Димко Митрев.  Повредениот човек го пронашол член од неговото семејство, а на него имало видливи повреди во пределот на главата и телото. Веднаш бил пренесен во хируршкото одделение на болницата во Велес, но поради сериозноста на повредите под итно е префрлен во Ургентниот центар во Скопје.

Поврзани вести

Web banner Duma Sinalco Nagradna Igra 300x250px

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

30 (триесет) Оператори во производство

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес не врши дискриминација по ниту еден основ (полова, верска или национална дискриминација) и ги охрабрува сите заинтересирани кандидати  да аплицираат.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса:

ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 10/02/2019 година.