Со насмевки на лицата и потпевнувајќи заедно со младинскиот црковен хор Св. Кирил и Методиј, педесетина штитеници на Здружението на лица со церебрална парализа, денеска во народната кујна во Дворови го прославија раѓањето на Спасителот Исус Христос. На божиќната трпеза, која за нив ја организираше Повардарската епархија, овие луѓе го почуствуваа празничниот дух на најголемиот христијански празник.

Изутринава, додека дождот за кратко престана да врне, неколку Коледарчиња ги посетија домовите на велешани. Предвесниците на раѓањето Христово влегоа во домовите на граѓаните во Дворови. Испеаја неколку коледарски песни и беа наградени со дарови. Во нивните коледарски торбички имаше колачиња, ореви, костени, бадеми, јаболка, сушено овошје. Коледарчињата највесели беа кога ја добиваа паричната награда од домаќините. Песните испеани од грлата на децата одѕвонија низ тесните и кривудести сокаци на маалото. Граѓаните ги отвараа влезните порти велејќи дека им влегува среќа во домовите. Внимателно ги слушаа и убаво ги наградуваа.

Граѓаните и на дождот што врне вечерва излегоа пред домовите. Како што налага старата традиција возрасните велешани ги наредија дрвата и го запалија огнот додека наоколу трчаа децата. Тие се највесели коледари вечерва на улиците во Велес што со нетрпение  ги очекуваат толите коледарски колачиња. Нив ги месат и печат  сите домаќинки, баби и мајки, почитувачи на традиционалното одбележување на Коледе. Штом колачињата се стават во рерна тогаш започнува подготвката на салатите од кисела зелка и вадењето на туршијата која во чинии ќе ја изнесат надвор на Коледето. Мажите веќе ја греат ракијата. Седнати околу коледарскиот оган, браќа, соседи и пријатели со чашка во рака ги пеат коледарските песни. И само во Велес тие се еротски или како што велешани ги нарекуваат мрсни песни. И сите имаат ист крај: „Ооо Коледе“.

Дископатијата и нискиот притисок му го отежнуваат одењето на педесет и пет годишниот Винко Симитчиев од Велес. Повеќе од неколку чекори не може да направи бидејќи го болат нозете а дополнителен проблем му прави и вртоглавицата. Нему нема кој да му помогне да си ги заврши личните работи оти живее сам во куќата што ја наследил од родителите. Винко е сам меѓу четири ѕида. Тој вака се мачи веќе пет години. Друштво му прави само кучето Дејана, неговата најверна пријателка.

Замрзнатиот дожд што падна вчера попладне од 17.30 часот направи проблеми на улиците во Велес. Не само во повисоките делови од градот, каде улиците наликуваа на вистински лизгалишта туку поледица имаше и во централното градско подрачје. Замрзнатиот дожд го отежна движењето на граѓаните и на возилата. Службите за одржување на градските улици веднаш фрлија сол и немаше лизгања на возилата на главните сообраќајници. Но поинаква беше состојбата на тротоарите. За кратко време по нив не можеше да се оди.

Малиот лифт во велешката болница веќе подолго време не работи. Сега сите, пациентите и граѓаните, го користат големиот лифт во петкатната болничка зграда кој вообичаено беше наменет за персоналот и за итните случаи во болницата. Но тој функционира само со чип па затоа вработените од централата постојано мораат да го отвораат за да можат граѓани и пациенти да стигнат до одделенијата. Директорот на болницата д-р Атанас Василев вели дека лифтот е стар дваесетина години и е дотрајан. Неколку пати досега бил поправан. Последен пат бил сменет и моторот но за кратко бидејќи бил максимално искористен повеќе не можел да се поправа.

Поврзани вести

300x250 web banner Duma

banerknigovodstvo

Најново

 
   
   
   
   

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

20 (дваесет) Оператори во производство

 

Кандидатите треба да ги поседуваат следните квалификации:

  • ССС
  • Со или без работно искуство

ДПТ РОНТИС ДООЕЛ Велес ги охрабрува сите заинтересирани кандидати  да аплицираат, без разлика на нивната полова, верска или национална припадност.

Доколку сте заинтересирани, Ве молиме пратете ја Вашата биографија (CV) со фотографија на infomk@rontis.com  или на адреса: ДПТ РОНТИС ДООЕЛ   с. Долно Оризари бб, Велес 1400 (со назнака за Оператор ), најдоцна до 26/07/2019 година.