Поради присуство на бактеријата „ешерихија коли“ Агенцијата за храна и ветеринарство ја забрани за пиење водата од природни чешми во Велес и во околните населени места. Граѓаните не смеат да ја пијат водата од природните чешми кај Чука, Пузево трло, Штипска пруга и на улицата „Тодор Јанев“. Исто така забрана за пиење е издадена и за природни чешми во селата Караслари, Горно Оризари, Црквино, Иванковци, Кумарино, Мамутчево, Отовицаи и Чолошово. Во дел од овие населени места загадена е и водата во селските водоводи од кои се снабдуваат и тамошните училишта. Станува збор за водоводите од кои пијат учениците во селата Сујаклари, Иванковци, Мамутчево и Отовица.

Повреден возач на мопед е билансот на сообраќајната несреќа што попладнево околу 17 часот се случи на главната сообраќајница „8 Септември“ во Велес. Итната медицинска помош веднаш го пренесе повредениот во велешката болница. Мопедот остана да лежи на коловозот пред поранешниот хотел „Интернационал“ во строгиот центар на градот. Со него возачот најверојатно удрил во автомобилот марка „голф“ со велешки регистерски таблички во моментот кога возилото се симнувало од тротоарот пред зградата на Основниот суд на коловозот на улицата.

На прашања поврзани со проблемите кои ги засегаат младите особено во високото образование денеска се дебатираше на првиот од серијата настани со наслов „Младински изборни муабети“, што се одржа во големата сала на општина Велес. Претставници на подмладокот на три политички партии СДСМ, ЛДП и ГРОМ им ги презентираа политичките програми кои се однесуваат на потребите на младите во земјава.

Вардарскиот плански регион во соработка со министерството за животна средина го започна првиот чекор од процесот за изградба на регионална депонија за селектирање и складирање на цврст отпад. Со 54 милиони денари, пари од ИПА фондовите ќе се прави потребната документација за овој проект, кој треба да заврши до 2017 година.

На протест во дворот на фабриката излегоа денеска сто триесет и еден работник на велешка Колска за да и соопштат на јавноста дека три месеци немаат ни работа ниту плата. Работниците се жалат и на тоа што државата ги остави без здравствено осигурување па не можат да се лекуваат. Тоа што не им се исплатени плати значи дека немаат ниту стаж. Претставници на синдикалната организација на Колска, пред три месеци, биле и кај министерот за транспорт и врски , Владо Мисајлoвски разговарале и преговараме но оттаму до денеска нема решение за ниту еден од проблемите на работниците.

Четириесет и пет годишен таксист од Велес го загуби животот во тешка сообраќајна несреќа. Несреќата се случила утрово околу десет часот на крстосницата на улиците „АСНОМ“ и „Андон Шурков“, поточно пред бензиската станица Црна Река.

Поврзани вести

lifer gif 300x250 Duma

baner i od veles se moze

E baner

Најново

АПЕЛ ЗА ПОМОШ НА СЕМЕЈСТВОТО МАНЕВИ

На 20 декември 2019 година во пожарот што изби во комплексот Варналиите, во Велес, на улица: „Јован Наумов Алабакот“ целосно е оштетена и куќата со реден број 10 на семејството Маневи во која живееја Љубица и Бојан. Огнот ги пеплоса покуќнината, мебел, технички апарати и гардероба. Тие немаат каде да живеат. Засега се згрижени кај роднини. На Љубица и Бојан им е потребна граѓанската помош и поддршка. Граѓани, да му покажеме на ова семејство, дека не е само во загубата на имотот. 

Пред и за време на новогодишните и божикни празници, секој од Вас колку што може нека донира на сметка 210-5016284563-22, депонент НЛБ Тутунска Банка АД Скопје. Сопственик на сметката е Манева Љубица со живеалиште на ул. Јован Наумов Алабакот број 10 во Велес. Број на повикување за физички лица е 289, за правни лицае 262, со назнака донација.

За добронамерните граѓани надвор од Македонија уплатите можат да се вршат на IBAN Code MK7210501628456322, SWIFT TUTNMK22.