„ВМРО ДПМНЕ е партија која иднината ја темели на младите токму затоа акцентот го става на нивните потреби. Во таа насока се и петте нови проекти што вчера ги најави претседателот на партијата Никола Груевски. Тие директно ќе се однесуваат и на младите од Велес. Спомнати се проектот бесплатен железнички викенд за млади до 27 години секоја прва и трета година, мерката бесплатна обука за основни компјутерски вештини за млади до 29 години, изградбата на фитнес зони во 18 градови меѓу кои и во Велес, како и изградба на перални и сушални во сите државни студентски домови.

Дипломецот на Воената акаденија, велешанецот Борис Алчев е нов директор на фабриката за шински возила „Колска“ . Алчев бил именуван на седницата на Владата одржана лани, на 22 декември. Тој денеска беше на новото работно место и соопшти дека за изборот понудил три решенија за излез на фабриката од тешката состојба. Не ги откри целосно плановите како тоа ќе го стори туку соопшти дека ќе оствари средба со министерот за транспорт и врски, Владо Мисајловски на која ќе ја дефинираат опцијата за подолгорочно решение за работа на фабриката.

Жителите на руралните средини во велешкиот, кумановскиот и скопскиот регион, за разлика од оние во урбаните не секогаш имаат здрава и чиста вода за пиење. Тоа е резултат на нередовната дезинфекција на селските и локалните водоводи. Исто така тие немаат еднаков пристап и до канализационите мрежи затоа што се уште таму постојат септички јами. Ова го покажуваат резултатите од истражувањето на терен, што го спроведоа центрите и Институтот за јавно здравје во соработка со Економска комисија на Обединетите нации за Европа.

Со тенкиот слој на мраз, што ноќеска се формираше поради измерени минус 11 степени целзиусови, утрово тешко се справуваа јатата преселни птици на езерото „Младост“ кај Велес. Шатките и гнурците тешко се снаоѓаа со храна. Тие пливајќи се преселуваа од едната на другата страна каде што површината на водата сеуште не беше замрзната. Во поголеми јата можат да се забележат на западната страна на езерото, во потрага по риби, засега единствена храна. Глетката што овие птици ја создаваат е прекрасна и ги мами случајните минувачи. Но, штом им се доближат тие излегуваат од водата и не плашејќи се очекуваат да добијат храна.

Во 1989 година прв го фатил светиот крст во водите на Вардар и потоа уште еднаш бил најсреќниот жител на Велес во чии раце завршувал симболот на христијанството. Него го знае секој велешанец како човек кој што ја возобнови војорданската традиција по фрлањето на крстот од Мало Мовче. Ицо Картушот и денеска се присети на моментот кога пред 27 години со благослов на Владиката Михаил застанал на брегот на Вардар, петстотини метри подолу од Мало Мовче и бил подготвен за возобновување на градската традиција.

Ивица Андонов денеска прв доплива и го фати светиот крст во осветените води на реката Вардар во Велес. Дваесет и седум годишното момче беше најсреќно помеѓу педесет и деветмината граѓани кои скокнаа во реката. Тој во изминатите петнаесет години редовно на Војордан учествувал на манифестацијата и скокал со својата четирибројна тајфа. Годинава нему му се насмевна среќата.

Поврзани вести

E baner

web banner 300x250 Sinalco Duma

banerknigovodstvo

Најново