Вo старата велешка чаршија, поделена на левата и десната страна на градот, постоеле над петстотини дуќани во кои работеле над илјада мајстори, калфи и чираци. Меѓу најброни биле терзиите. Велешките мајстори, со изградбата на пругата Скопје-Солун, патувале за Белград, Загреб, Будим, Пешта, Минхен, Париз, Лондон, Милано, Рим и други градови во Европа од каде во Велес и во Македонија ја пренесувале европската мода. Терзиите имале полни раце работа и биле тие што ги „облекувале“ велешани. Најпознатите градски мајстори биле тие што имале големи дуќани во чаршијата на десната страна додека останатите се наоѓале на спротивната страна во градот.

Ротари Клуб Велес набави нов апарат за електроенцефалографија (ЕЕГ) за потребите на Нервното одделение при ЈЗУ Општа Болница Велес, кој има функција да ја олесни дијагностиката на широка палета на болести кои во висок процент се застапени помеѓу пациентите.

Го разгледаа Основниот суд во Велес и се запознаа со работата на судската администрација, влегоа во судница и учествуваа во симулации на судски процеси на двата оддели, на граѓанскиот и на кривичниот, четириесеттината ученици на двете средни училишта „Гимназијата Кочо Рацин“ и економското „Јовче Тесличков“. Тоа се случи денеска на Европскиот ден на граѓанска правда, што се одбележува на иницијатива на Советот на Европа и Европската Комисија, кога судот во Велес ги отвори вратите за граѓаните.

Немало жител во Велес што не го знаел семејството Здравкинови кое живеело во убава куќа под Којник. Мајстор Никола, бил ѕидар. Бил голем мајстор па го викале да гради куќи и кај христијани и кај муслимани. Тој бил весел човек. Така за него говорелe и другарите и граѓаните. Роден е во 1875 година. Занаетот го научил од татко му. Кога наполнил 25 години се оженил со Васа со која имале четири деца: синовите Ѓело, роден 1900 година, и Димче како и ќерките Фита и Марија.

Подготвувањето на овој Велешки специјалитет е историски поврзан со времето кога Велешани се бореле за својот духовен идентитет, пред се` против фанариотските црковни свештеници што го пљачкале народот , грабајќи ги за себе црковните пари кои сиромашните граѓани ги собирале за црквата. Затоа,најпрвин да го раскажеме историјатот на овој духовен проблем на христијаните во Велес, настан кој е поврзан со првите податоци за подготвувањето на питата-пастрмајлија.

Велешанката Цвета Србова беше само една од десеттината жени, членки на Организација на жени на Велес, кои денеска пред посетителите на манифестацијата Фестивал на пити и вино го презентираа традиционалниот велешки специјалитет ѓозлеме. Таа го приготвува специјалитетот на традиционален начин по рецепт на своите мајка и баба. Она што е карактеристично за ѓозлемето е приготвување со додавање на малку свинска маст, сирење и малата количина на пастрма што му даваат посебен вкус, рече Србова.