Ноќеска, среда 25 март кон четврток 26 март, 2020 година во СВР Велес, за време на полицискиот час, поради непочитување на забраната за движење од слобода се лишени две лица, од кои едно во Велес и едно во Кавадарци, а против нив ќе биде поднесена соодветна пријава, соопштија од полицијата./У.Ј

По идентификувањето на трите први позитивни случаи на Ковид 19 во градот членовите на Општинскиот штаб за заштита и спасување на Општина Велес, на седницата одржана вчера, 25 март, доцна попладне, ги донесоа следниве заклучоци:

„Да останеме смирени и без паника да им дадеме поддршка на здравствените работници да се справат со болеста“, напиша на својот фејсбук профил,денеска, претседателот на Совеот на општина Велес Ненад Коциќ, веднаш штом министерството за здравство ги објави информациите со новозаразените тројца велешани со коронавирус.

Ноќта помеѓу 24 и 25 март 2020 година, за време на полицискиот час, поради непочитување на истиот СВР Велес од слобода се лишил четири граѓани додека по две биле лишени, во Кавадарци две и во Неготино.

Информацијата за позитивните велешани на вирусот на денешната прес конференција ја соопшти Министерот за здравство, Венко Филипче. Тројцата сограѓани се дел од вкупната бројка од 29 нови случаи од вчера до денеска или таа изнесува 177 лица на територијата на државата.

-Во изминатите 24 часа се регистрирани 29 нови случаи на коронавирус во земјата. По градови: Скопје (20), Куманово (3), Велес (3), Прилеп (2) и Дебар (1). Со ова, вкупната бројка на дијагностицирани пациенти со КОВИД-19 денеска до 12.00 часот изнесува 177 лица, напиша на Фејсбук министерот Филипче.

Според информациите на министерството има еден излечен од коронавирус како и два смртни случаи.  

Како што дознава Дума.мк само што заврши седницата на Општинскиот Кризен штаб на Општина Велес која помеѓу останатите ја разгледала состојбата по соопштената информација за првите три случаи на заболени велешани. Од седницата ќе биде издадено соопштение за јавност./У.Ј

Првата количина на заштитни маски, во своите домови, ја шијат шивачките Ружица Николова и Славица Костова. На машината оверлак им помага и пензионираната шивачка Стефанка Нешова. Со помош од волонтерки Буба Мишкова, Василка Најдовска и Јадранка Стефкова , се чистат и пеглаат маските што веќе го добија финалниот изглед. Ќе следи пакување на првата количина и предавање на болницата.