Листајќи ги летописите и пишаната историја за Велес, дојдов до многу моменти кога недвосмислено установив дека многу историски податоци врзани за градот се одамна запишани, а потоа само со годините препишувани од многу познати и непознати историчари, хроничари, новинари. Во тоа препишување често ненамерно или намерно се правени доста грешки.

Старата велешка чаршија беше надалеку позната и со неа особено се гордееја велешани затоа што во тоа време ретко кој можеше да се пофали со таква чаршија. Таа имаше посебна душа. Беше полна со топлина и со живот. Терзии, ковачи, калајџии, кафанџии, столари, ортомџии, бербери, анџии, тенекиџии и уште многу други занаетчиски дуќани беа збиени еден до друг во чаршијата. Занаетчиите, мајстори, калфи и чираци живееја како браќа. Делеа и арно и лошо. Поминаа и турско и бугарско и српско време и пак бугарско за на крај да дојде југословенското а чаршијата беше како една голема кошница во која се собираа луѓе, од утро до мрак. Занаетчиите со своите раце создаваа производи кои не само во Велес туку се продаваа и во другите градови. Живееше велешката чаршија се дур времето не ја прегази.

Делегацијата на Европската Унија пред присутните претставници на граѓанскиот сектор, граѓани, земјоделци, бизнисмени, општинската администрација и Градоначалникот на Велес, Аце Коцевски денеска ги претстави механизмите на финансиска поддршка како дел од кампањата „ЕУ за тебе“.

„Градоначалниче на Велес, Аце Коцевски и директоре на ЈКП Дервен Ѓоре Стојанов одделете десет минути од вашето време и дојдете на плоштатката на улица „Васил Ѓоргов“, во близина на плоштад Којник за да видите со свои очи што направија вандалите со водоскокот за вода, со лулашките, клацкалките и клупите“, напишаа граѓаните жители на Теќе, Бричкова и Прчиева чешма и на Којник. 

Дваесет и пет извидници, членови на Здружението Вардарска регата - „Гемиџии“ како и членови на навива група ,,Гемиџии“ како редовни подржувачи на манифестацијата утрово испловија со гемијата, придружни од чамци, по реката Вардар од кејот под Мало Мовче во Велес. Тие се учесници на дваесеттото издание на манифестацијата посветена на велешката традиција на пловење по течението на реката како и на велешаните познати во историјата како Гемиџии по нивната саможртва за слободна Македонија.

При претрес во домот и на имотот на лицето Т.К.(67) од велешкото село Крајници, вчера 29 август 2018 година, СВР Велес пронајде и одзема околу 130 стебла oд растението – канабис сатива од кое се произведува опојната дрога – марихуана.