Текот на гласањето во Тиквешијата и понатаму е без посериозни забелешки за нерегуларности. Од МВР информираа дека едно лице е лишено од слобода бидејќи гласал во име на сопругата. Овој настан го расчистува полицијата.

Маж и жена се здобиле со тешки телесни повреди кога утринава нивното возило излетало од автопатот Неготино – Гевгелија.

Во Демир Капија, интензивно се работи на изградбата на новиот мост на река Бошава. Новиот мост е со должина од 125 метри и ширина 10,5 метри и се наоѓа на оддалеченост од 400 метри од стариот мост по течението на реката.

Демир Капија, дел од богатата историја, место каде се врзуваат виното и љубовта, каде се спојуваат медитеранската и умерено континенталната клима со дури 280 сончеви денови во годината. Богато приридно и историско наследство. Мостот на историјата, како што се нарекува во овој крај, крие во себе многу историски приказни за кои се жедни туристите.

Демир Капија ќе добие нов хотел со 24 соби и вработување до 30 лица, а предвидено е да има летна тераса, конференциска сала, спа центар, надворешен базен, детско катче и сопствен паркинг.

Од општинската организација на СДСМ Демир Капија денеска на прес конференција обвинија дека основното училиште „Димче Ангелов Габерот“ во овој град било претворено во приватно партиско училиште на ВМРО-ДПМНЕ. Тие реагираат и на преместувањето на наставничка која имала уште пет години но била испратена да држи настава во селското училиште во Прждево.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново