Vrsnik posumuvanje5 fin

Над двеста учесници се вклучија денеска во акцијата за пошумување на ридот Вршник со садници на багрем, јавор и јасен. На повикот на Општина Велес се одзваа локалната администрација, членови на Советот на Општина Велес, припадници на политички партии, вработените од ЈП „Дервен“, на библиотеката „Гоце Делчев“, Народен Музеј на град Велес, граѓанските здруженија ЕД „Вила зора“, Извидничкиот одред „Димитар Влахов“, Клубот „Мото Велес“, Општинската организација на Црвен Крст, припадниците на Армијата на Македонија од Командата за обука во Велес како и од ЗГ „Акцијаш – ветерани“ со Првата бригада за доброволна работа „Кочо Рацин“ помогнати од колегите ветерани од ЗГ “Акцијаши“ од Скопје заедно со претставници на Сојузот на Волонтери - Акцијаши на Република Македонија.

urbanamobilnost fin

Заврши тендерската постапка за Стратегијата на Општина Велес, планот за одржлива урбана мобилност заврши. Тендерот за изработка на документот го доби компанијата „АПИА ДОО“ од Љубљана, Република Словенија.

Dimov fin

Велешката опозиција обвини дека „далеку од очите на јавноста, изолирани од надворешниот реален свет, во еден медиумски мрак“ градоначалникот Аце Коцевски и мнозинството во Советот на Општина Велес предводено од СДСМ ,, носат штетни и контрапродуктивни одлуки за нашиот Велес“. Ова обвинување и прозивка, соопштени на прес конференција во партиските простории на ВМРО ДПМНЕ, се однесуваат на кренатите два прста за предлогот на Управниот одбор на ЈКП „Дервен“ за зголемување на цената на водата од страна на советниците Бесим Ахмедов и Весна Богоевска Стојановска кои претходно не гласале поради конфликт на интереси, поточно вработени членови на семејствата во јавнотот претпријатие.

akcijazaposumuvanje fin

Првата акција за пошумување, годинава, ќе се реализира на локалитетот Вршник каде на 3 хектари површина планирано е засадување на 5.500 садници со багрем. Во акцијата ќе учествуваат вработените во Општина Велес, јавните претпријатија и други општински институции како и здруженија на граѓани предводени Првата бригада за доброволна работа на Здружението „Акцијаш – ветерани“. Акцијата ги очекува и сите почитувачи на здравата животна средина во Велес.

igraliste1 fin

Од ротационо катче, дупла лулашка, комбинирана клацкалка за деца и други детски реквизити кои ќе можат да ги користат децата со попреченост е составено првото инклузивното детското игралиште во Велес. Тоа е на локација во населбата Тунел, веднаш до спортското игралиште.

kucinja fin

На велешките улици има над 300 бездомни кучиња и покрај тоа што на плацот на Здружението на граѓани „Гласот на животните“ , пред поранешната Топилница за олово и цинк, се згрижени 248 кастрирани и стабилизирани како и 11 мачки. Во решавањето на овој сериозен проблем на граѓаните на Велес е вклучен и стационар „Гиовски тим“, отворен во месец март, годинава, во село Војница, кој досега заловува и третира кучињата но потоа ги враќа на улица.Тие се препознаваат по жолтата маркичка на увото. Стационарот инаку згрижува и третира кучиња и мачки кога ќе се преполни и домот на велешанецот Виктор Мазнев. Кај Мазнев сега има вкупно 30 бездомни кучиња.

Поврзани вести

Web banner Duma Sinalco Nagradna Igra 300x250px

 

Најново