Submit to FacebookSubmit to Google PlusSubmit to TwitterSubmit to LinkedIn

Шампионот на Македонија добро ќе ја наполни клупската каса по триумфот над Фенербахче во плеј-офот во Лига Европа, Вардар ќе инкасира најмалку 2,6 милиони евра.

„Црвено-црните“ испишуваат нова историја откако вечерва и по втор пат го совладаа Фенербахче.

По триумфот од 2-0 во Скопје, Вардар стигна и до победа од 1-2 на гостувањето во Истанбул.

Шампионот на Македонија за прв пат ќе игра во групната фаза од Лига Европа, а фудбалските љубители ќе уживаат на фудбалска есен во Европа.

Историскиот успех на Вардар ќе му донесе и супер заработка, со елиминацијата на Фенербахче, веќе му се загарантирани 2,6 милиони евра.

Секоја победа во групната фаза ќе носи 360.000 евра, а секое реми 120.000 евра. Вардар исто така ќе добие и дел од колачот вреден 160 милиони евра, односно сумата од ТВ права и спонзорски договори која УЕФА им ја дели на клубовите кои учествуваат во најмасовното европско натпреварување.

„Црвено-црните“ исто така ќе заработата и неколку милиони евра од продажба на билети, а веќе инкасира 1 милион евра (580.000 евра за успехот против Малме и 420.000 евра за елиминацијата од Копенхаген во Лигата на шампионите).

 

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново