Submit to FacebookSubmit to Google PlusSubmit to TwitterSubmit to LinkedIn

Македонските кајакари на диви води настапија на отвореното првенство во Босна и Херцеговина кое се одржа изминатиот викенд . Учество земаа четворица кајакари поточно Љубомир Спасиќ, Атанас Николовски, Виктор Миланов и Христијан Игнатов.

Во дисциплината слалом која се одржа во саботата на 15ти, во сениорска конкуренција, Атанас Николовски го освои второто место додека Љубомир Спасиќ беше трето пласиран.

Во тимско возење во сениорска категорија кајакарскиот состав Спасиќ-Николовски-Игнатов го освоија првото место.

Во јуниорска конкуренција па се натпреваруваа кајакарот Игнатов Христијан кој се пласира на третото место и кајакарот Виктор Миланов кој заврши како пети.

Во неделата,на 16 ти октомври се одржа натпревар во спуст на диви води каде учество зема само кајакарот Љубомир Спасиќ. Тој во дисциплината Спринт беше првопласиран додека во класик заврши на второто место./У.Ј

 

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново