Submit to FacebookSubmit to Google PlusSubmit to TwitterSubmit to LinkedIn

direktor Ivanov fin

22.02.2021

Спортската сала „Гемиџии“ во Велес е изградена во 1981 година, од тогаш па се до денеска, не е направена целосна реконструкција. По реконструкцијата на покривот над спортскиот терен, по што нема протекување, на спортската сала сега и е неопходна реконструкција и на страничните делови каде тече токму над деловните простории. На западната страна во спортскиот објект се наоѓаат канцелариите на раководителот и на службата на ЈП „Парк спорт и паркинзи“.

-Условите за работа, кога од таванот прокиснува вода во канцелариите, воопшто не се соодветни за спроведување на секојдневните задачи. Создавањето на услови за непречено извршување на работата за четворицата вработени во ова јавно претпријатие е приоритет број еден од како стапив на должноста в.д директор на ЈП „Парк спорт и паркинзи“. Исто така сериозно сум заинтересиран за реализација и на проектот за воведување на централно затоплување и ладење на објектот со што тој би бил конкурентен за одржување на европски спортски натпревари. Во такви услови и со далеку поголеми финансиски средства во јавното претпријатие ќе може да се вработи потребниот број на работници адекватен на потребата освен за спортската сала и за придружните спортски терени како помошното фудбалско, игралиштето за тенис, градскиот фудбалски стадион итн, рече в.д директорот Љупче Иванов.

vnatresala

Како прв човек на институцијата Иванов размислува и за потребата од обновување на инвентарот на трибините во спортската сала. Пред се седиштата што исто така се стари колку и самиот објект.

-И условите за тренинзи на клубовите треба да се подобрат. Во моментов салата работи со еден спортски терен но и со помали сали за потребите на фитнес центар и сала за борење. Обновата на седиштата би овозможиле подобрување на условите за гледачите,за фановите, за привлекување на нови партнери за соработка со кои би се потпишале договори за одржување на европски натпревари во повеќе спортски категории. Мора прво да се создадат услови па потоа да се очекува финансиски бенефит. А капацитетот на салата со 3 илјади места за седење е голема предност што сметам дека треба и мора да се искористи што е можно поскоро и како јавно претпријатие и како град Велес, додаде Иванов.

Од неговата прва длабинска анализа на затекнатата состојба произлегуваат и други идеи за што финансиски средства би можеле да се обезбедуваат и преку проекти. Засега, додека се преброди пандемијата со ковид-19 сепак приоритетни се две финансиски помошти, од општината и секако од државата. Но санирањето на покривот и спречување вода и понатаму да протекува во дел спортскиот објект е најсериозната работна задача.

Убавка Јаневска

 

 

SEMM baner MK

Поврзани вести

SInalco PES 2021 web Baner 300x250 Duma

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново