Македонските кајакари на диви води настапија на отвореното првенство во Босна и Херцеговина кое се одржа изминатиот викенд . Учество земаа четворица кајакари поточно Љубомир Спасиќ, Атанас Николовски, Виктор Миланов и Христијан Игнатов.

Во вистинска арена ќе се претвори спортската сала „Гемиџии“ во Велес, во која во сабота професионални борци ќе си ги одмеруваат силите во девет атрактивни борби. На турнирот во борење ќе учествуваат професионални борци од Република Србска, Република Србија, Босна и Херцеговина, Црна Гора и Македонија. Боите на нашата држава ќе ги бранат професионални борци од Скопје, Струга, Гостивар, Битола, Куманово, Штип и Велес. Борбите ќе се изведуваат по УФЦ правила, ќе траат по пет минути во две рунди а ќе се договараат според искуството и килажата на спортистите.

Сопственикот на велешката компанија Брако, Кочо Анѓушев од денеска го презема Фудбалскиот клуб Гемиџии кој во моментов се наоѓа во третата лига. Тој вели дека има сериозни намери клубот од третолигаш да го искачи во првата лига. Се договара и преговара екипата во која свој придонес ќе дадат и ветерани во фудбалот во Велес. Анѓушев се надева дека фудбалскиот клуб за три до четири години ќе стане стабилен прволигаш.

Репрезентацијата составена е од шест спортски риболовци кои утрово тргнаа од Скопје кон Пловдив за да ги брани боите на Македонија во лов на пливка. Тие се задолжени да покажат, најдобро што можат, како се лови риба на пливка и  да постигнат успех за две до три места повисок од претходното светско првенство. Тоа се спортските риболовци Филип Таушанов од Радовиш и Зоран Стојменовски од Куманово кои за првпат ќе се натпреваруваат во репрезентацијата заедно со стандардните и искусни спортски риболовци Зоран Кожурхаров, Тони Кокочевски, Горан Цуцулан и Марјан Ристиќ.

Оваа година по трет пат во водите на Езерото „Младост” ќе се одржи „Велешкиот пливачки маратон” на кој ќе бидат запазени сите пропозиции за одржување на манифестација од ваков вид.

Mладиот надежен четиринаесет годишен кошаркар Андреј Ковиловски е единствен велешанец кој ќе биде дел од проектот „Заедно до М16“ на Кошаркарската федерација на Македонија. Ковиловски заедно со уште 29 селектирани кошаркари ќе учествува на Меѓународниот камп во Костанца, Романија што ќе се одржи во период од 28 Август до 02 Септември годинава.

Поврзани вести

 

Најново