Ракометарите Ивица Илиев и Миле Ордев се новото засилување на Градскиот ракометен клчуб „Борец“ од Велес. По неколку годишно отсуство во матичниот клуб се вратија на позициите лев и централен бек.

Под мотото „Допри го сонцето – откриј ја тајната за почетокот на светот“ во организација на здружението „Тиквешки точкаџии“ утре и во недела  ќе се оддржи првото издание на отворениот фестивал во планински велосипедизам и планинарење низ недопрените предели на Кожув планина, „АлШар 2016“. Фестивалот вклучува и посета и запознавање со мистериозниот рудник Алшар.

Kарате клубот „Урбан инвест“ продолжува да жнее успеси. На балканското првенство во Србија каратиситите на Урбан инвест покажаа дека се најдобри на Балканот.

Кајакарот Љубомир Спасиќ од Велес го освои четвртото место во дисциплината спуст на диви води на финалето на Европскиот куп што се одржа во Алсбург, Германија. Во конкуиренција од сто натпреварувачи од повеќе европски земји Спасиќ беше четвртопласиран. Тој денеска своите искуства од натпреварот ги сподели со градоначалникот Чадиев.

Кошаркарските ветерани од Кавадарци го иницираа одржувањето на првиот меморијален турнир посветен на една од најголемите кошаркарски легенди на сите времиња, Ордан Тотов. Во спортската сала „Јасмин“ кошарка играа ветераните од КК „Тиквеш“ и КК „Борец“ од Велес.

Освоеното трето место на атлетичарот Марјан Бонев од Атлетскиот клуб „Велес“ викендов на Државното првенство во полумаратон во Скопје не поттикна да го побараме овој спортист. Неговиот постигнат резултат од еден час, 14 минути и 47 секунди на патеката долга 21.1 километар беше предизвик за разговор што со него го имавме и во кој откривме дека Бонев последниве шест месеци живее на релација Скопје – Франкфурт а од неодамна стана и член на велешкиот атлетски клуб.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново