Submit to FacebookSubmit to Google PlusSubmit to TwitterSubmit to LinkedIn


DirektorkaAnastasija fin

Пишува: Убавка Јаневска

Порталот Свест.мк на 25 јуни објави аудио материјал од 20 секунди во кој се слуша дека постои вжештена расправија и се слуша женски глас. Насловот на текстот е ,,Велес го тресе тежок скандал! Директорот на Центарот за јавно здравје малтретира вработен! (аудио).

Според објавата на порталот што ја рецензираме, гласот е на директорката на Центарот за јавно здравје Велес, доктор Анастасија Иванова. Не се објавени изјави од инволвираните, и покрај тоа што од објавата може да се заклучи дека на авторот на текстот му се познати (ги именува). Секогаш кога има конфликт меѓу две страни, има и две страни од приказната.

Според демантот на директорката Иванова, снимката не е направена во времето кога таа е назначена за директорка, туку пред 6 месеци, кога била началничка на одделот за лабораториска дејност. Таа исто додава, дека снимката е подолга од објавената и дека има судска постапка за настанот.

„Погрешно сте ја разбрале содржината на аудио записот, бидејќи кога тој веќе постои и ви е испратен од вработената во Центарот за јавно здравје Велес, сте требале да го објавите во целост и добро да го преслушате. Барам од Вас да објавите и дека вработената ја предизвикува расправијата со мене, таа ми се заканува и ме напаѓа вербално, недолично и неколегијално. Расправијата се случува откако јас во својство на препоставена но, не како в.д директор туку само како Началник на Оддел за лабораториска дејност и укажувам на лаборантката за грешки и пропусти во нејзината работа што директно се одразуваат врз работата на јавната здравствена установа и јавното здравје на граѓаните. Предизвикувањето на расправијата, навредите и омаловажувањето од нејзина страна кон мене се случија во присуство на четворица колеги, значи сведоци, но тоа не е интерес на овој демант туку спаѓа во делот на доказна постапка за на суд,“ им пишува доктор Иванова на оние што ја објавија веста.

Самото објавување на вакви снимки е „лизгав терен“ од аспект на тоа што секогаш можат да бидат подметнати во поинаков контекст од оној што навистина се случил, содржината на снимката може да е предмет на приватна судска постапка и едноставно секогаш постои можноста тие да се нецелосни, од што ќе произлезе и нивна неточна интерпретација.

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.

 

 

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново