Македонскиот шампион Вардар со победа среде Истанбул од 2-1 против големиот фаворит Фенербахче избори историски пласман во групната фаза од Лига Европа.

Ферари објави дека го продолжиле договорот со Кими Раиконен до крајот на 2018 година.

Велес одсекогаш бил спортски град. Во него се играл фудбал, ракомет, одбојка, кошарка и други спортови. Велешани живееле со спортот. Покрај град на ракометот во него, одсекогаш, во највисок ранг, се натпреварувале и кошаркарите, фудбалерите, чиј почеток бил кон крајот на дваесетите години од минатиот век, но, и одбојкарите, боксерите, кајакарите. Од спортовите на вода најпопуларно било кајакарството што и денес е најтрофеен .Кајакари од неколкуте клубови и сега достојно ги претставуваат Велес и Република Македонија на државни, европски и светски натпреварувања.

РК Борец е поразен од европскиот шампион Вардар во последниот натпревар од 10.коло од плеј офот. Во спортската сала Гемиџии Вардар го победи Борец со 36:28 (15:12).

По трет пат ракометниот клуб „Борец“ од Велес ја има честа да игра со Европски шампион. Во спортската сала „Гемиџии“ , вечерва, со почеток во 17 часот, ракометарите на „Борец“ ќе го одиграат последниот натпревар од Првата ракометна лига со црвено- црните вардаровци. Велешани ќе имаат можност да ги поздрават освојувачите на Европската титула па затоа експресно ги купија сите билети за натпреварот . Тие очекуваат добар натпревар бидејќи на Вардаровци им се потребни бодовите за да можат да го освојат првото место и пехарот на Ракометниот сојуз на Македонија.

Во средината на месец јуни, годинава, Велес ќе биде домаќин на одбојкарскиот турнир на кој селекцијата на Македонија ќе ги одмери силите со Шведска, Азербејџан и Албанија . Турнирот од 16 до 18 јуни ќе се одржи во салата „Ѓемиџии“. Вака одлучи Управниот одбор на ОФМ. Информацијата денеска во Велес ја соопшти генералниот секретар на Одбојкарска Федерација на Македонија.