Submit to FacebookSubmit to Google PlusSubmit to TwitterSubmit to LinkedIn

Европската инвестициска банка планира во следните три години на Западен Балкан да му обезбеди дополнителни 3,5 милијарди евра за инфраструктурни проекти, од кои поголемиот дел средства ќе бидат наменети за Србија, најави денеска шефицата на канцеларијата на ЕИБ за Западен Балкан, Дубравка Негре.

– Планираме да ги зголемиме активностите на Балаканот, преку т.н. Иницијатива за зголемување на економската отпорност на регионот. Во следните три години планираме да вложиме дополнителни 3,5 милијарди евра, од кои очекуваме дека околу 50 отсто ќе отидат на проекти во Србија, рече Негре за Танјуг.

Таа објасни дека овие пари ќе бидат главно за проекти во патната и железничката инфраструктура.

Според неа, во рамки на оваа Иницијатива ЕИБ планира да издвои дополнителни 6,5 до седум милијарди евра за Северна Африка, од каде доаѓаат миграциските проблеми, но и за транзитните земји на Балканот.

– За овие два региона планираме дополнителни 6,5 до седум милијарди евра, од кои околу 3,5 милијарди ќе бидат за Западен Балакан, наведе Негре.

Поврзани вести

 

Најново